Astanalyq «Barys» hokkeı klýbynyń kezekti bylyǵy ashyldy. Bul týraly jýrnalıst Nartaı Sársenǵalıev sport jýrnalısti Aslan Qajenovtiń sózine silteme berip, Facebook paraqshasyna jazdy, dep habarlaıdy “Adyrna” ulttyq portaly.
“5,5 mlrd tg qaıda?! Astanalyq «Barys» hokkeı klýbynyń kezekti bylyǵy ashyldy. Kúni keshe reseılik portaldar Qurlyqtyq Lıgada óner kórsetetin komandalardyń jalaqy qarjysyn jarııalady. Oǵan sáıkes «Barys» 380 mln rýbl shyǵyndaıdy. Ulttyq valıýtaǵa shaqqanda 2,5 mlrd teńgeni quraıdy. Al, byltyr, biz dál osy taqyrypty qazbalaǵanda, «Samuryq-Qazyna» qory elordalyq klýbqa 8 mlrd teńge bólgenin resmı túrde málimdedi. Qysqasy, ana jaqta 2,5 teńge, myna jaqta 8 mlrd teńge dep jatyr. Sonda ortasyndaǵy 5,5 mlrd qaıda?!
«Barys» hokkeıshileri Nıkıta Mıhaılıs pen Lınden Veı jyl saıyn 377 mıllıon teńgeden alyp otyr. 377 mln. Árqaısysy. Maıkl Shapıý, Entonı Lýıs, Djeremı Brakko degenderdiń jalaqysy 200 mıllıon teńgege jýyqtaıdy. Kimder olar?! Al, klýbtyń eń nashar qorǵaýshysy Ivan Mıenko 135 mıllıon teńge alady. Bul – taza jalaqy. Plıýs taǵy syıaqy degen bar. Onyń barlyǵyn «Samuryq Qazyna» ulttyq ál-aýqat qory tóleıdi. Iaǵnı, aınalyp kelgende siz ben bizdiń qaltamyzǵa túsip jatqan salmaq...”, dep jazdy ol.
