Almaty ákimi Baqytjan Saǵyntaev koronavırýs ınfekııasynyń taraýyna baılanysty qıyn jaǵdaıǵa daıyndalatynyn aıtty. Jaǵdaı jaqsarýy da múmkin. Biraq, jaman aıtpaı jaqsy joq, biz qıyn jaǵdaıǵa daıyndalýymyz kerek dedi qala ákimi.
Ákim qaýipti indetke baılanysty Almatyda koronavırýs pandemııasynyń damýynyń birneshe nusqasy qarastyrylyp jatqanyn aıtty.
"Kúzde jaǵdaı qandaı bolatynyn oılanyp otyrmyz. Optımıstik te, pessımıstik te boljamdar bar. Biraq biz ekinshisine, ıaǵnı, qıyn jaǵdaıǵa daıyndalamyz. Ol úshin qajet dári, jeke qorǵanysh zattarynyń sanyn esepteý kerek. Qajet jaǵdaıda qosymsha qarjy bólemiz", - deıdi qala basshysy.
Saǵyntaev artyq shyǵyn COVID-19-ben kúreske jumsalatynyn da atap ótti.
"Biz qosymsha 300-350 oryndyq juqpaly aýrýlar aýrýhanasyn salamyz. Oǵan qarajat taptyq. Qazir ishki shyǵyndy qaıta qarastyrý jumystary júrip jatyr. Negizgi maqsat - koronavırýspen kúres", - dedi Saǵyntaev.
Esterińizge sala keteıik, resmı málimet boıynsha búginge deıin Almaty qalasynda 9851 adam koronavırýs juqtyryp, 6024 adam jazylyp shyqty. 73 naýqas qaıtys bolǵan.
"Adyrna" ulttyq portaly
