Kásipker Erlan Nurpeıisovtiń bastamasymen bir top azamat shilde aıynyń 11-nen bastap COVID-19 vırýsymen ınfekııalanǵan naýqastardy tegin emdeý maqsatynda Kúndizgi qoǵamdyq staıonar ashýdy qolǵa alǵan bolatyn. KQS jobasynyń negizgi maqsaty men uıymdastyrý jumystary týraly biz buǵan deıin tanystyrǵan edik . Qazirgi kezde joba uıymdastyrýshylarynyń tabandy eńbeginiń arqasynda bul is bir izge túsip, apta sońynan bastap naýqastardy tegin emdeı bastamaq.
Uıymdastyrýshylardyń aıtýy boıynsha joba bastapqyda bıýrokratııalyq sheshimderdiń yqpalynan birshama kedergige ushyrap, tyǵyryqqa tirelgen. Iaǵnı, naýqastar qabyldaıtyn staıonar ashý úshin arnaıy lıenzııa alý talaby mindettelgen. Biraq jaǵdaı ýshyǵyp, halyq em-domǵa zárý shaqta lıenzııa alýǵa uzaq ýaqyt pen kúsh ketetindikten, uıymdastyrýshy azamattar kóp uzamaı-aq bul máseleniń sheshimin tapty. Joba jetekshileri neǵurlym indettiń ýshyǵyp turǵan aımaǵynyń biri Almaty qalasynda KQS-dy ashyp, turǵyndarǵa tezirek kómek berý maqsatynda Shańyraq yqshamaýdanyndaǵy «Talant» klınıkasymen kelissózder júrgizdi. Endigi kezekte, jobany resmı túrde bekitý máseleleri sheshimin tapqan soń, joba tegin emdeý qyzmetin kórsetýdi bastaıdy.
Joba aıasynda:
- COVID-19 vırýsyn juqtyrǵan turǵyndar tegin emdeledi;
- Naýqastar tegin dári-dármekpen qamtamasyz etiledi;
- Naýqastar tegin analız tapsyra alatyn bolady;
- Naýqastar tegin rentgenge túsiriledi;
- Jaǵdaıy kelmeıtin naýqastar klınıkaǵa tegin tasymaldanady, - dep habarlady joba uıymdastyrýshylarynyń biri Nuraddın Sadyqov Facebook paraqshasynda.
Sondaı-aq ol elimizdegi jaǵdaıǵa baılanysty: «...Sońǵy kúnderi jer-jerden «jaǵdaı turaqtaldy, kovıd aýyzdyqtala bastady» degenge saıatyn pikirler jazyla bastady. Menińshe, bul – qazirgi úkimet músheleriniń kózjumbaı statıstıkasy. Jaǵdaı áli kúnge óte qıyn jaǵdaıda. Áli kúnge aýrýlar eselep artyp, aýrýhanalarda oryn men dárihanalarda dári-dármek tapshy. Sondyqtan, bizge arqany keńge salýǵa áli erte,» - dep pikir bildirdi.
Aıta keteıik, KQS jobasy Almaty qalasynda júzege asqan soń áriqaraı basqa oblystar men aýdandarda da ashylatyn bolady. Osy oraıda joba bastamashylary ózge aımaqtaǵy azamattardan el ıgiligi úshin osy isti jalǵastyrýyn suraıdy. Yntaly azamattar tabylsa, KQS jobasyn uıymdastyrýshylar keńes berip, qoldaýǵa ázir.
Jobaǵa qoldaý bildirem deseńiz:
«KRASIVYE DETI KAZAHSTANA» qory
BSN 080 740 007 650
Zańdy meken-jaıy: Almaty qalasy, Medeý aýdany, Samal-3 shaǵyn aýdany, 1 úı
Prezıdent: NURPEIISOVA Gúlshat Aıtbaıqyzy
Bank derekteri:
BIK: IRTYKZKA
IIK: KZ7796502F0008690340
KBe 17
Qorǵa túsken barlyq qarajat týraly joba uıymdastyrýshylary esep beredi.
Aıjan Qurmanbaı,
"Adyrna" ulttyq portaly