Bügın Memleket basşysy Qasym-Jomart Toqaev halyqqa jyl saiynǧy Joldau kezınde ekpe aluǧa qarsy ügıttep jürgenderdıŋ jetegınde ketpeu qajettıgın atap öttı, dep habarlaidy "Adyrna" ūlttyq portaly.
- Elımızde jappai ekpe salynyp jatqanymen, qoǧamda oǧan qarsy adamdar älı de köp. Olar özderı bas tartyp qana qoimai, halyqty kerı ügıtteude. Sonyŋ kesırınen qanşama jūrtty adastyrady. Mūndai adamdar özderınıŋ ǧana emes, özgenıŋ ömırı üşın de jauap beretının tüsınuge tiıs. Sondyqtan ekpe aluǧa qarsy ügıttep jürgenderdıŋ jetegınde ketpegen jön, - dep mälımdedı Prezident.Osy oraida Memleket basşysy vaksina tabylǧannan keiın qauıptı dertterge tosqauyl qoiylǧanyn eske saldy.
- Aldaǧy uaqytta älemde koronavirustyŋ jaŋa ştamdary şyǧuy mümkın. Sarapşylar basqa da ındetter paida bolatyndyǧyn aituda. Bız onyŋ qaşan bolatyndyǧyn kütıp qarap otyra almaimyz. Osyndai jaǧdaida ömır süruge, ärı qarai damuǧa beiımdeluımız kerek. Qazır bızge qajettı vaksinany satyp alu öte maŋyzdy - dedı Toqaev.Sondai-aq, Qasym-Jomart Kemelūly Düniejüzılık densaulyq ūiymynda tırkelgen vaksinalardy tezırek satyp alu qajettıgın, bükıl densaulyq saqtau salasyn tūraqty ekpe alu jüiesıne daiyndaǧan jön ekendıgın atap öttı.
"Adyrna" ūlttyq portaly
Ūqsas jaŋalyqtar
