Halyqty bosqa aldamaı, eshqandaı paıdasy joq Ulttyq senim keńesin tarqata salý kerek. Bularǵa prezıdent senim bildirip otyr emes pe?!
El basyna kún týǵanda, halyqtyń arasyna kirip, quziretterińdi naqty problemalardy sheshýge paıdalansańdar qaıtedi, quziretteriń bolsa?!
Osy keńestiń ne quzireti bar?
Eshqandaı da quzireti joq. Syrt kózge bizde demokratııanyń jańa ınstıtýty bar dep kórsetkennen basqa. Múmkin ózderin aldaıtyn shyǵar, "Prezıdentke tikeleı máseleni jetkizemiz" dep.
Prezıdent sizdersiz de bilmeı otyrma ne bolyp jatqanyn? FB-ny ashsa bári turǵoı.
Qala berdi jýrnalıster men qaptaǵan arnaıy qyzmetter jetkizip otyrǵoı bárin.
Jylyna eki ret "jetkizýmen" shekteletin toptyń, pandemııa kezinde bir máseleni sheshkenin kórmedik. Halyqtyń arasyna kirip shynaıy aqıqat kórsetkenin de kórmedik, jalǵyz Aıgúl Orynbekten basqa!
Bulardyń depýtattardan aıyrmashylyqtaryn kórmedim. Múmkin bul jer sol depýtattyqqa "tramplın" retinde "daıyndyq kýrsynan" ótkizetin jer shyǵar, senimderin aqtaǵandarǵa depýtattyq mandat beretin. ("Tynysh júre almaıtyn" Aıgúldi ol jerden shyǵaryp jibermese bolǵany.)
Bul jazbam ondaǵy otyrǵan eshkimniń qara bastaryna qatysy joq. Tek, ataýy jer jarardaı keńes quryp, qoldaryna bir quziret bermeı halyqty da, olardy da aldap otyrǵan úkimetke aıtqan synym dep túsinińizder!
Rústem Ashetaev,
jýrnalıst, qoǵam belsendisi
