Kitaphanashy áıeldiń janaıqaıy

768

Mıramgúl Orynbasarqyzy - burynǵy kitaphana qyzmetkeri, bes balanyń anasy. Birneshe jyldan beri dıplomy men jumys ótiliniń baryna qaramastan, aýyldyq kitaphanaǵa jumysqa ornalasa almaı júr. Mıramgúl hanym bizge jazǵan hatynda mekeme basshysynyń sot sheshimin oryndamaı júrgenin atap ótti. Kópbalaly ananyń janaıqaıy «Adyrna» ulttyq portalyn beı-jaı qaldyrmady.

- Sálemetsizder me, «Adyrna» ulttyq portaly jáne onyń oqyrmandary! Men Aqtóbe oblysy, Áıteke bı aýdany, Qarabutaq aýylynyń turǵyny, bes balanyń anasy - Aıtýova Mıramgúl Orynbasarqyzymyn.

Mamandyǵym - kitaphanashy. Qarabutaq aýyldyq balalar kitaphanasynda bos jumys orny bolǵandyqtan, ári ózim kitaphanashy mamandyǵyn bitirgennen keıin, «Áıteke bı aýdandyq jumyspen qamtý ortalyǵyna» baryp, jumysqa  turýǵa joldama aldym. Alaıda, Áıteke bı aýdandyq ortalyqtandyrylǵan kitaphanalar júıesi KMM-niń basshysy M.Aıaǵanuly dıplomym men joldamama qaramastan, jumysqa alýdan túbegeıli bas tartty. Amalym taýsylǵannan, aýdandyq Áıteke bı sotyna júginip, kómek suradym. Sot memlekettik mekemege  meni kitaphanashy retinde jumysqa qabyldaý mindettelsin degen sheshim shyǵardy. Sot otyrysynda K.Jarymbetov kitaphana júıesine Kovorkıng ortalyǵyn ashý úshin  qysqartý proesi júrgizilip jatqanyn aıtyp, meni  jumysqa qabyldaý múmkindigi bolmaı turǵanyn túsindirdi. Keıinnen uıǵarym boıynsha sot meniń talap aryzym qanaǵattandyrylsyn degen sheshimge keldi.

Barmaǵan jerim, baspaǵan taýym joq. Talaı esikti qaqtym, eshkim aryzyma qulaq salmady.  Negizgi mamandyǵym kitaphanashy bolǵanyna qaramastan, aýyldyq kitaphanaǵa jumysqa kire almaı otyrmyn. Sot sheshimi múldem oryndalmady. Osy ýaqyt aralyǵynda kitaphana óz jumysyn toqtatpady. Kovorkıng ortalyǵy da ashylǵan joq. Men jumys surap júrgen kezde bir emes, eki  jumys orny bosady. Bireýine jas maman,  bireýine taǵy bir adam keldi. Al meniń shaǵymym  qaralmaı qaldy. Sot ornyna barsam, olar  kásipodaq sheshimin ákelýimdi talap etip otyr. Alaıda, kásipodaq bul máseleni sheshe almaıtynyn jetkizdi.

Sizderden ádildik ornatyp berýlerińizdi suraımyn.  Meniń janaıqaıym joǵary jaqqa jetip, sot sheshimi oryndalsa eken.

«Adyrna» ulttyq portaly máseleniń anyq-qanyǵyna jetý maqsatynda «Áıteke bı aýdandyq ortalyqtandyrylǵan kitaphanalar júıesi» KMM-niń basshysy M.Aıaǵanulyna habarlasty. Basshy jaýap berýden  bas tartty.

Qurmetti QR Mədenıet mınıstrligi, Aqtóbe oblysynyń Ádilet departamenti, Aqtóbe oblysynyń prokýratýrasy! Sizderden  oqıǵamen tanysyp, tıisti sharalardy qoldanýlaryńyzdy suraımyz!

 

 

 Daıyndaǵan: Dıana ASANOVA

«Adyrna» ulttyq portaly

Pikirler
Redakııa tańdaýy