2020 jyldyŋ 7 şıldesınde äl-Farabi atyndaǧy Qazaq ūlttyq universitetı Jurnalistika fakultetınıŋ tülegı, Qazaqstan Parlamentı Senatynyŋ deputaty, Nūrtöre Jüsıp instagram paraqşasynda (@journalism_kaznu) tıkelei efirde därıs ötkızdı.
Nūrtöre aǧamyz tıkelei efirde «Nege jurnal, gazet, kıtap oqityn jastarymyz sausaqpen sanarlyqtai az, mūnşalyqty tömendeuıne ne sebep?», «Jurnalist – qoǧam men adamdy bailanystyruşy küş. Sız ne sebeptı jurnalist boldyŋyz?», «Qazaq jurnalistikasyna ne jetıspeidı?» degen jas tılşılerdıŋ sūraqtaryna jauap berdı.
Bolaşaq jurnalistterge keŋes beru üşın eŋ aldymen tılşınıŋ qandai boluy kerektıgıne toqtaldy: «Jurnalist - jürektı adamnyŋ ısı jäne būl salanyŋ mamany boluy üşın oi men tıl parasattylyǧy kerek. Iаǧni, jurnalist eŋ aldymen sauatty jäne ambebap boluy tiıs. Oǧan qosa, ädebiet - ardyŋ ısı bolsa, jurnalist bolu da ardyŋ ısı. Sebebı jurnalist - adal, ädıl boluy kerek. Naǧyz jurnalist - ūltyn süietın, ūltty süie otyryp, ūltyna qyzmet etetın adam. Olar elımızde kandai jaǧdai oryn almasyn, maidanda jürgen jauyngerler ıspettes! Abai atamyz aitqandai: «Tegınde, adam balasy adam balasynan aqyl, ǧylym, ar, mınez degen närselermen ozbaq». Jurnalisttıŋ boiynda osy aitylǧan qasietterdıŋ barlyǧy boluy qajet» dep jastarǧa aqylyn aitty.
Qorytyndylai kele, Nūrtöre Jüsıp bolaşaq tılşılerge aq batasyn berıp, «Şeteldık jurnalisterdıŋ jetıp jatqan jetıstıkterı bızdı qamşylai tüsedı. Bızdıŋ bolaşaǧymyz sendersınder, iaǧni ruhy ör, oiy erkın jastar» degen sözderımen efirın aiaqtady.
Aita keteiık, Nūrtöre Jüsıp 1990 jyldan - «Egemen Qazaqstan» gazetınıŋ bölım meŋgeruşısı, bas redaktordyŋ orynbasary. 1996 jyldan - «Jas Alaş» gazetınıŋ bas redaktory. 2002 jyldan - «Aq jol, Qazaqstan» gazetınıŋ bas redaktory. 2005 jyldan - «Egemen Qazaqstan» respublikalyq gazetı» AQ bas direktory. 2007 jyldan - «Astana habary» gazetınıŋ bas redaktory. 2008 jyldan berı - «Aiqyn» gazetınıŋ bas redaktory «Qūrmet» ordenımen (2009), «Qazaqstan Respublikasynyŋ täuelsızdıgıne 10 jyl» (2001), «Qazaqstan Konstitusiiasyna 10 jyl» (2000) medaldarymen marapattalǧan. Qazaqstan Jurnalister odaǧynyŋ B. Būlqyşev atyndaǧy syilyǧynyŋ (1995), BAQ salasyndaǧy Prezidenttık syilyqtyŋ (1998), «Altyn Adam» syilyǧynyŋ (2000) laureaty.
Mūrat Qymbat,
Almaty q. NZM mektebı tülegı
Ūqsas jaŋalyqtar
