Deputat Nūrtöre Jüsıp Senattyŋ jalpy otyrysynda qoǧamdy jat dıni aǧymdardan yqpalynan saqtau kerektıgın aitty, dep habarlaidy «Adyrna» tılşısı baq.kz-ke sılteme jasap.
«Ras, Qazaqstan – demokratiialyq, zaiyrly, qūqyqtyq jäne äleumettık memleket. Konstitusiiaǧa säikes bızde ar-ojdan bostandyǧy bar. İman – jürekte. Izgılık – tılekte. Azamat qai dındı ūstanady? Onyŋ senım–nanymy qandai? Ärkımnıŋ öz erkı. Būǧan Ata zaŋda kepıldık berılgen. Bıraq solai eken dep özımız ömır sürıp otyrǧan qoǧamdy ala taidai büldıruge, öz dıni ūstanymyn özgege taŋuǧa, top qūryp, jık-jıkke bölınuge jol beruge bolmaidy. «Dombyra – haram, sälem salu – haram, eldıŋ bärı hidjab pen niqab kiiuı kerek» degen talaptar Konstitusiiamyzǧa qaişy keledı. Örkeniet köşın bastap kele jatqan memleketter qaida? Bız qaidamyz? Ozyq jūrt qazır Jasandy intelektpen, tehnologiialyq jetıstıktermen ainalysyp jatqanda bız elımızdı orta ǧasyrdaǧy deŋgeige süiremekpız be?»—dedı senator.Nūrtöre Jüsıp elımızde dınge qyzyǧuşylardyŋ ortaşa jas mölşerı jasaryp keletının atap öttı.
«Bızdıŋ ata saltymyz bar. Halyqtyq qalpymyz bar. Qanşa däuırden berı qalyptasqan Ūlttyq qūndylyqtarymyz bar. Solardyŋ bärın tärk etemız be? Ata dınımızdı ardaqtaudyŋ, salt-dästürımızdı saqtaudyŋ ornyna bükıl qoǧam bolyp özge aǧymdardyŋ jetegınde ketemız be? Mäsele dabyl qaǧarlyq deŋgeige jettı. Elımızde dınge qyzyǧuşylardyŋ ortaşa jas mölşerı jasaryp keledı. Beiresmi derekterge säikes dıni bılım ızdenuşılerdıŋ 75%–y aşyq internet resurstardy paidalanady. Öz kezegınde destruktivtı küşter aqparattyq keŋıstıktıŋ barlyq mümkındıkterın öz qyzmetınde oŋtaily paidalanyp otyr. Bügıngı taŋda aşyq internet resurstar arqyly, islam dınınıŋ keibır ūstanymdaryn alǧa tartyp, salt-dästür men ūlttyq qūndylyqtarymyzdy joqqa şyǧaruǧa tyrysqan kontentter köbeidı»,—dep tüsındırdı ol.Aituynşa, halyqty jat dıni aǧymdardan araşalap aluǧa kömek körsetetın sauatty teologtar men imamdar tapşy.
«Elımızde imamdardy daiyndaityn 9 medrese men bır ǧana universitet jūmys jasaidy (Nūr-Mübarak). Nätijesınde İordaniia, Egipet, Türkiia, Saud Arabiiasy jäne taǧy basqa şetelderden beiresmi öz betımen baryp oqyp jatqan azamattar az emes. Olardyŋ bılımınıŋ idelogiialyq baǧyty men dästürlı dınımızge säikestıgı sūraq tudyrady. Şetelderden öz betınşe dıni bılım oqyp kelıp jatqan azamattardy, qaita daiarlyqtan ötkızetın jäne diplomdaryn akkreditasiialaityn ūlttyq dästurge negızdelgen ortalyq qūrudy jäne de Ükımet, būl özektı mäselelerdı qataŋ baqylauda ūstauy kerek»,—dep tüiındedı deputat.
Ūqsas jaŋalyqtar
