Elorda kúnin de atap óttik. Eldegi pandemııa jaǵdaıyna qaramastan aıtýly merekeni jyldaǵydaı dúrildetip ótkizdik. Oǵan dálel Nur-Sultan qalasynda boı kótergen elbasynyń eskertkishi. Bir táýliktiń ishinde bul sharaǵa halyq óz narazylyǵyn bildirip te úlgerdi. Post ta jazyldy, óleń de arnaldy.
Bireýge unar, bireýge unamas. Taǵy bir jańalyqpen bólisýge asyqpyz ıakı “májbúrmiz”. «Astana» halyqaralyq qarjy ortalyǵy (AHQO) Nursultan Nazarbaev Qorymen birlesip Qazaqstan Respýblıkasynyń Tuńǵysh Prezıdenti N.Á. Nazarbaevtyń mereıtoıyna oraı «Zamanaýı qazaqstandyq memlekettiliktiń qalyptasýy men damýy (alǵashqy qoldan)» kitabynyń aǵylshyn tilindegi nusqasyn tanystyrdy, dep habarlaıdy QazAqparat.
Kitapta Qazaqstan Respýblıkasy Tuńǵysh Prezıdenti – Elbasynyń egemen Qazaqstannyń zamanaýı memlekettiligin bekitý men nyǵaıtýdaǵy róli ashylǵan. Basylymda Elbasynyń basshylyǵymen eldiń qalyptasý jáne damý proesi, memlekettik basqarý ınstıtýttaryn qurý men jańǵyrtý kezeńderi aıtylǵan. Qazaqstan Respýblıkasy Konstıtýııasy negizinde qazaqstandyq qoǵamnyń jańǵyrtylýy jan-jaqty qamtylǵan.
Kitaptyń onlaın tanystyrylymy saltanatyna QR Joǵarǵy sotynyń tóraǵasy J.Asanov, QR Ádilet mınıstri M.Beketaev, QR Konstıtýııalyq keńes múshesi Ú.Shapaq, AHQO Basqarýshysy Q.Kelimbetov jáne Nursultan Nazarbaev Qory atqarýshy dırektorynyń orynbasary I.Rogov qatysty.
Kitaptyń ereksheligi – ony qurastyrýǵa Elbasy Nursultan Nazarbaevtyń bastamasymen jasalǵan reformalar men ózgeristerge tikeleı qatysqan memlekettik jáne qoǵam qaıratkerleri atsalysty.
Sharaǵa odan bólek Latvııa Konstıtýııalyq sotynyń tóraǵasy I. Zıemele, AHQO HTO Tóraǵasy B.Domann, AHQO Akademııalyq keńesiniń múshesi Ábdiraıymov B.J. jáne Ǵylym akademııasynyń tiltaný mamandyǵy boıynsha akademıgi Sh.Qurmanbaıuly qatysty.
Ekonomıkalyq ahýal aqsap turǵan kezeńde mundaı mádenı sharalardy júrgizý aqtala ma? Eldegi krızıstik jaǵdaıda memleket tarapynan kitap basyp shyǵarý isi tıimdi bola ma, joq pa, ol jaǵyn baǵamdaýdy oqyrmannyń óz erkine qaldyrdyq. Bálkim, pandemııa dep aldaǵy josparlardy yǵystyrǵan da durys emes shyǵar? Bastysy, bıliktiń de, halyqtyń da kózi týra bolǵaı!
Aıaýlym ÁBILDA,
«Adyrna» ulttyq portaly.
