Atyrau garnizonynda ornalasqan äskeri bölımderdıŋ bırınde josparly dalalyq atys jattyǧulary kezınde merzımdı äskeri qyzmetşı qaza tapty. Būl turaly garnizonnyŋ baspasöz qyzmetı mälımdedı, dep habarlaidy "Adyrna".
Resmi mälımetke säikes, oqiǧa 12 nauryz künı bolǧan. Jattyǧu barysynda merzımdı äskeri qyzmetşı oq jaraqatyn alǧan. Aldyn ala aqparat boiynşa, oqiǧa qarumen abaisyz jūmys ısteudıŋ saldarynan boluy mümkın.
Jaraqat alǧan sarbaz dereu medisinalyq mekemege jetkızılıp, därıgerler tarapynan qajettı kömek körsetılgen. Alaida onyŋ ömırın saqtap qalu mümkın bolmaǧan.
Qazaqstan Qaruly Küşterı qolbasşylyǧy qaza tapqan äskeri qyzmetşınıŋ tuǧan-tuystary men jaqyndaryna köŋıl aitty. Sonymen qatar marqūmnyŋ otbasyna qoldanystaǧy zaŋnamaǧa säikes qajettı kömek pen qoldau körsetıletını habarlandy.
Oqiǧaǧa bailanysty Qazaqstan Respublikasynyŋ Işkı ıster ministrlıgı äskeri-tergeu basqarmasy qylmystyq ıs qozǧady. Qazırgı uaqytta oqiǧanyŋ barlyq sebepterı men män-jaiyn anyqtau maqsatynda sotqa deiıngı tergeu jürgızılıp jatyr.
Qazaqstan Respublikasynyŋ Qorǧanys ministrlıgı tapsyrmasymen oqiǧa ornyna ministrdıŋ orynbasary bastaǧan arnaiy komissiia jıberıldı. Tergeu barysy Qazaqstannyŋ Bas äskeri prokuraturasy baqylauynda.
