Almaty oblysynyń ákimi Amandyq Batalov shuǵyl túrde aýrýhanaǵa jetkizildi

9107

Koronavırýs juqtyrǵan Almaty oblysynyń ákimi Amandyq Batalov Nur-sultandaǵy kardıologııalyq ortalyqta em alyp jatyr. Sebebi ákimde entigý men júrek jetkiliksizdigi paıda boldy, - dep habarlaıdy "Adyrna" Tengrinews.kz -ke silteme jasap.

Bul týraly oblys ákiminiń orynbasary Batyrjan Baıjumanov onlaın-brıfıngte aıtty.

"Ózderińiz biletindeı, Amandyq Ǵabbasulyda koronavırýs úsh apta buryn anyqtaldy (22 maýsym-avtor). Ol emdeldi, biraq entigý men júrek jetispeýshiliginiń bastalýyna baılanysty dárigerler ony Nur-sultan kardıologııalyq ortalyǵyna jatqyzý týraly sheshim qabyldady", - dedi Batyrjan Baıjumanov.

Sondaı-aq, ol qazirgi ýaqytta ákimniń jaǵdaıy jaqsarǵanyn atap ótti.

"Ol jerde em alyp jatyr jaǵdaıy áldeqaıda jaqsardy. Ol únemi sportpen aınalysady, densaýlyǵy myqty. Sondyqtan jaqyn arada ol jazylypp, jumysqa kirisedi", - dedi Baıjumanov.

Eske salaıyq, Almaty oblysynyń ákimi Amandyq Batalovtyń koronavırýs juqtyrǵany 22 maýsymda habarlanǵan bolatyn.

Pikirler
Redakııa tańdaýy