Almatyda 11 jastaǵy balanyń asqazanynan 1 keli shash shyqty. Bul týraly Almaty qalasynyń Qoǵamdyq densaýlyq saqtaý basqarmasy málim etti, dep habarlaıdy “Adyrna” ulttyq portaly.
Ota Balalarǵa shuǵyl medıınalyq kómek kórsetý ortalyǵynda jasalǵan.
«Balanyń ishi aýyryp, bir apta boıy qusyp, tábeti bolmady, ony jalpy álsizdik mazalaǵan. Aýrýhanaǵa jatqyzylǵanǵa deıin qyz asqazan-ishek joldarynyń buzylýyna baılanysty ambýlatorlyq em qabyldaǵan. Aqpannyń 1-inde bala jedel appendııtke kúdikpen qabyldaý bólimine jetkizildi, onyń dıagnozy dınamıkalyq baqylaý barysynda joqqa shyǵaryldy», - deıdi BShMKKO irińdi jáne keýde hırýrgııasy bóliminiń meńgerýshisi Samatbek Myrzahmet.
Qyzǵa shuǵyl túrde ish qýysy múshelerine ÝDZ, ezofagogastrodýodenoskopııa jasaldy.
«Aspaptyq tekserý satysynda asqazan kólemdi «dybys izderin» quraıtyn kóptegen eho-teris túzilistermen tolǵany belgili boldy. Zertteý nátıjeleri asqazan qýysynda kólemdi túzilisti kórsetti: asqazanda kóptegen geterogendi bólshekten, shash óriminen jáne shyryshtan turatyn onyń búkil kólemin toltyratyn las qara tústi bógde dene anyqtaldy. Qorytyndy: asqazannyń trıhobezoary», - deıdi bólim meńgerýshisi Samatbek Myrzahmet.
Dárigerler naýqasqa narkozben laparotomııa, gastrotomııa, asqazannan bógde zatty alyp tastaý otasyn jasady.
«Asqazan qýysynda 16*6*5 sm, salmaǵy 1000 g úlken kólemdegi tyǵyz, kóptegen shashtan turatyn tamaq massasy men shyrysh jabysqan konglomeratpen beınelengen bóten dene (trıhobezoar) tabylyp, shyǵaryldy», - dedi BShMKKO balalar hırýrgi, m.ǵ.k. Sáýle Súleımanova.
Jutý nátıjesinde asqazan-ishek jolyna túsetin bógde deneler bezoarlar dep atalady. Eń kóp kezdesetini ósimdik tektes fıtobezoarlar, olardyń paıda bolýynyń sebebi - jańǵaq, injir, júzim, shabdaly, ıtrýs jemisteri jáne t.b. Organıkalyq tekti bezoarlar keıbir dárilik zattar, lak, shaıyrdy jutqanda asqazanda túziledi.
«Pedıatrııalyq tájirıbede shash nemese júnnen túzilgen asqazandaǵy túzilimder erekshe qyzyǵýshylyq týdyrady. Mundaı bezoarlar shash, qas jáne kirpigin julyp, jutatyn patologııalyq beıimdiligi bar qyzdarda kezdesip, trıotrotıllomanııa dep atalady. Bul aýrý jabysqaq kúıinish buzylysy bar balalarda, devıantty minez-qulyqty balalarda jıi kezdesedi. Nátıjesinde asqazanda tamaq massasy men shyryshpen qanyǵyp jabysqan shash shúıkesi paıda bolady. Keıde úlken trıhobezoar asqazannan ultabar men ash ishekke deıin jetedi», – deıdi medıına ǵylymdarynyń kandıdaty, balalar hırýrgy Sáýle Súleımanova.
Medıınalyq ortalyǵynyń málimetinshe, bul - 2023 jyly «asqazannyń trıhobezoary» dıagnozy qoıylǵan alǵashqy jaǵdaı.
