Bügın Almaty qalasy Alatau audanynda Jastar resurstyq ortalyǧynyŋ aşylu saltanaty öttı. Ortalyq infraqūrylymdy damytu, bılım beru, jūmyspen qamtu densaulyq saqtau, qoljetımdı baspana, biznestı damytu jäne qarjylyq sauattylyq, talantty jastardy qoldau jäne taǧy basqa maŋyzdy salalar boiynşa qyzmet atqarady.
Almaty qalasy Alatau audanynyŋ äkımı Qaldybekov Azamat Beskempırūly ortalyqtyŋ aşyluymen qūttyqtap, jastardy bılımge, önegettılıkke, otansüigıştıkke şaqyrdy.
" Jastar resurstar ortalyǧy köptegen baǧyttar boiynşa jūmys atqaruda. Onyŋ eŋ bastysy zamanaui talapqa sai Co-working ortalyǧynyŋ aşyluy. Jastar būl jerge kelıp bır-bırımen osy zamanǧa sai tehnologiialyq oilarymen bölısıp, bırge bır-bırımen pıkır almasyp, damuǧa ülken yqpal tigızedı dep senemın. Q.Toqaev öz sözınde «Jastar tek qana bılımmen qarulanyp eŋbekke arqa süieu kerek» degen bolatyn. Osy Co-working ortalyǧy jastardyŋ bılım aluyna yqpalyn tigızedı dep senemın", - dedı äkım.
Jastar resurstyq ortalyǧy qyzmetınıŋ negızgı maqsaty – jastar men jastar ūiymdaryn qoldau jäne damytu üşın qyzmet körsetu. Ortalyq jastarǧa arnalǧan tömendegıdei qyzmet türlerın atqarady: - Jastarǧa arnalǧan memlekettık, salalyq jäne qalalyq baǧdarlamalar şeŋberınde ūsynylatyn mümkındıkter boiynşa tüsındıru, aqparattyq jūmys; - Jūmysqa ornalastyruǧa, käsıptık baǧdar beruge järdemdesu boiynşa, jastar käsıpkerlıgın, jastardyŋ şyǧarmaşylyq bastamalaryn, Äleumettık jäne biznes salasyndaǧy jastar jobalaryn qoldau boiynşa belsendı jūmys jürgızu; - Jastarǧa psihologiialyq kömek körsetu; - Naşaqorlyq, alkogolizm, temekı şegumen küres boiynşa aldyn alu jūmystary; - Şeberlık synyptary, motivasiialyq kezdesuler, prezentasiialyq tüsınıktemeler, järmeŋkeler formatynda jūmysqa ornalasuǧa järdemdesu boiynşa ıs-şaralar ötkızu; - Äleumettık zertteulerge qatysu; - Jekelegen jastarǧa jäne jastar ūiymdaryna qūqyqtyq, ädıstemelık kömek körsetu (senım telefony bar); - Qala käsıporyndarynda jastar ısı jönındegı keŋester qūru (özektı mäselelerdı talqylau, şeşu); - Jūmys ısteitın jastardy audannyŋ, qalanyŋ qoǧamdyq ömırıne tartu; - Jastar arasyndaǧy ahualdy, jastar qoǧamdyq bırlestıkterı men studenttık ūiymdardyŋ, etno-mädeni bırlestıkterı men ükımettık emes jastar ūiymdarynyŋ qyzmetın monitoringıleu jäne taldau; - Audan jastary jaily aqparattyq tölqūjat äzırleu.
«Jasyl el» jastar eŋbek jasaǧynyŋ nūsqauşysy, M.Tynyşpaev atyndaǧy Qazaq kölık jäne kommunikasiia akademiiasynyŋ Jastar ısı jönındegı komitetıınıŋ töraǧasy Nūrpeiısov Ädıl Tynyştyqbaiūly: -Bügın Alatau audany jastar resurstyq ortalyǧynyŋ aşyluyna kelıp otyrymyz. Jastar resurstyq ortalyqtardyŋ aşyluyn – eŋ bastysy jastarǧa kömek körsetu dep tüsınemın . Jastardyŋ qandai da bır jobalaryn ıskı asyruǧa, olardyŋ qandai da bır qiynşylyqtaryna kömek beredı.Jastar resurstyq ortalyǧynda Aşyq esık künderı ötkızıledı, oǧan Jūmyspen qamtu ortalyǧy men Tūrǧyn Üi Qūrylys jinaq bankınıŋ, sondai-aq, ūiymdardyŋ arnaiy jıberılgen mamandary şaqyrylady. Osyndai Jastar resurstyq ortalyqtary öz qyzmetın Almaty qalasynyŋ barlyq 8 audanynda jüzege asyrady. Şara barysynda Almaty qalasy Jastar saiasatyn damytu Memlekettık qorynyŋ direktory Auǧanbaeva Alma Qūrmanqyzyn äŋgımege tarttyq. "Adyrna": Jastar ortalyǧyn qūrudaǧy negızgı maqsat? Alma Qūrmanqyzy: Almaty qalasy äkımdıgınıŋ tapsyrmasy boiynşa barlyq audandarda jastar resurstyq ortalyǧyn aşudy qolǧa alyp jatyrmyz. Jastar resurstyq ortalyǧynyŋ negızgı maqsaty – jastarmen jūmys jasau, jastarǧa qoldau körsetu, jastarǧa psihologiialyq, qūqyqtyq keŋester beru, seminar- treningter öqtızu. Jastardyŋ uaqyttaryn tiımdı paidalanu. Qazır tötenşe jaǧdaiǧa bailanysty köp jastarymyz jūmmyssyz qalyp otyr. Sol jastarǧa jūmys tabuǧa järdemdesu. Jastardy jinap, olardyŋ qiyndyqtaryn sūraqtaryn şeşıp otyratyn, dūrys baǧyt körsetetın ortalyqqa ainalady. "Adyrna": Ortalyq jastarǧa qandai naqty kömek körsete alady? A.Qūrmanqyzy: Keŋes beru, psihologiialyq konsultasiialar jūmystary jürgızıledı. Sait jäne äleumettık jelı paraqşasy arqyly respublika boiynşa, Almaty qalasy boiynşa jastarǧa qatysty qandai jobalar bar, sol turaly aqparattar berıletın bolady. "Almaty jastary" degen baǧdarlama bar. Sol baǧdarlama boiynşa jastardyŋ sūraqtaryna jauap berılıp, kömek körsetıledı. Ortalyqtyŋ ışınde Jūmyspen qamtu ortalyǧy men Tūrǧyn üi Qūrlys jinaq bankınıŋ qyzmetkerlerı qyzmet etedı. Jyl saiyn ūiymdastyryp jürgen şaralarymyz da ötıp tūrady. Jastardy sportqa, şyǧarmaşylyqqa, qolönerge baulu sekıldı baǧyttar boiynşa jasaimyz. Jastardyŋ barlyq sūranystary boiynşa qyzmet etuge daiynbyz. "Adyrna": Aldaǧy josparlaryŋyz turaly aita ketseŋız? A.Qūrmanqyzy: Almaty – eŋ ülken megapolis. Jastar sany öte köp. Jastar arasyndaǧy mäselelerdı zerttep, olardy dūrys baǧytta jüruıne qalamyzdyŋ 8 audanynyŋ barlyǧynda osyndai ortalyq aşamyz. Barlyǧy ret-retımen aşyluda.
Gülvira Asqarqyzy,
"Adyrna" ūlttyq portaly
Ūqsas jaŋalyqtar
