25 qazan – Respublika künı qarsaŋynda Almatydaǧy Qazaq ūlttyq qyzdar pedagogikalyq universitetınıŋ (QyzPU) studentterı «Menıŋ Qazaqstanym!» aksiiasyn bastady.
Qatysuşylar bırıgıp «Atameken» änın oryndap, estafetany Qazaqstannyŋ özge joǧary oqu oryndaryna joldady.
Is-şara «Respublika jäne Konstitusiia: jauapty azamat – quatty memleket» atty ziiatkerlık-aǧartuşylyq aptalyq aiasynda öttı. Bastamanyŋ maqsaty – elımızdıŋ är öŋırındegı jastardy Respublika künın merekeleuge tartu.
«Būl elımızdıŋ täuelsızdıgı men bırlıgın, ūlttyq ruhyn därıpteitın erekşe mereke. Täuelsız Qazaqstan örkendep, bolaşaǧy jarqyn bolsyn!» – dedı universitet studentterı.
Estafetany jalǧastyru ALT University men M. Äuezov atyndaǧy Oŋtüstık Qazaqstan zertteu universitetınıŋ studentterıne ūsynyldy. Olar aksiiaǧa qosylyp, bastamany özge joǧary oqu oryndaryna joldai alady.
Ūiymdastyruşylardyŋ pıkırınşe, būl bastama elımızdıŋ är qalasyndaǧy studentterdıŋ bır arnaǧa toǧysyp, Respublika künın bırge atap ötuıne jol aşady.
