Bırneşe kün būryn äleumettık jelıde medisinalyq qolǧaptardy videoǧa tüsırıp, jaramsyz ekenın jariialaǧan Türkıstan oblysy, Keles audanyndaǧy Abai auruhanasynyŋ hirurgı Qairat Seiduäliev jūmysqa ornalasty. Būl turaly Otyrar.kz habarlady.
Qairat Seiduäliev būrynǧy jūmysyna emes, Saryaǧaş audanyndaǧy Ortalyq auruhanaǧa jūmysqa ornalasqan.
"Ūsynys Saryaǧaş audandyq ortalyq auruhanasynyŋ bas därıgerınen keldı. Öitkenı, qazırgı kezde pandemiia jaǧdaiyna bailanysty öŋırde maman tapşy" delıngen habarlamada.Būǧan deiın "Adyrna" ūlttyq portaly 33 jastaǧy Qairat Seiualievtıŋ jūmystan şyǧarylǧanyn jariialaǧan bolatyn Hirurg 8 jyl būryn "Diplommen auylǧa" baǧdarlamasymen jūmysqa kelgen. Oǧan qosa 7 jyl boiy hirurgiia bölımınıŋ meŋgeruşısı qyzmetın atqarǧan. 33 jastaǧy därıgerdıŋ aituynşa, 2020 jyldyŋ aqpanynda jaŋa basşylyq taǧaiyndalǧaly berı ony sebepsız qudalaumen qatar, medisinalyq qūral-jabdyqtarǧa tapşylyq jiılep ketken.
"Adyrna" ūlttyq portaly
