Türkıstan oblysynda tūrǧyndardy sapaly infraqūrylymmen qamtu maqsatynda 220 nysannyŋ qūrylysy jürgızılude

Türkıstan oblysynda kommunaldyq salada 2025 jyly 220 nysannyŋ qūrylysy ıske asyryluda. Onyŋ ışınde, 121 nysan biyl aiaqtaluy qajet. Türkıstan oblysynyŋ äkımı Nūralhan Köşerovtıŋ töraǧalyǧymen ötken apparat mäjılısınde kommunaldyq nysandardyŋ qūrylys barysy qaralyp, atqarylyp jatqan jūmystar pysyqtaldy.

Oblys basşysy jauapty tūlǧalarǧa qūrylys jūmystarynyŋ barysyn tūraqty baqylauda ūstaudy tapsyryp, jūmys sapasyna erekşe män berudı eskerttı.

– Biyl paidalanuǧa berıletın nysandardyŋ qūrylys qarqynyn küşeitıŋızder. Jūmys barysyn qataŋ baqylauǧa aludy, sapaly ärı uaqytyly aiaqtaluyn qamtamasyz etudı tapsyramyn, – dedı Nūralhan Oralbaiūly. 

Mäjılıste jyl soŋyna deiın qūrylysy aiaqtalatyn nysandar turaly oblystyq energetika jäne tūrǧyn üi-kommunaldyq şaruaşylyq basqarma basşysynyŋ orynbasary Roza Oljabaiqyzy baiandady. Onyŋ mälımdeuınşe, kommunaldyq nysandardyŋ qūrylys barysy qataŋ baqylauǧa alynyp, tūraqty ştab otyrystarynda qaraluda. 2025 jyly öŋır tūrǧyndaryn sapaly auyz sumen qamtu maqsatynda 66 nysannyŋ qūrylysy bastaldy. Sonyŋ ışınde, biyl 38 nysandy aiaqtau josparlansa, qalǧan 28 nysan kelesı jyly tapsyrylmaq. Osy jobalardyŋ ışınde indikatorǧa 30,8 myŋ halqy bar 30 eldı meken engızılgen. Qalǧan 8 eldı mekende (halyq sany – 0,6 myŋ) keşendı-blok modulderın ornatu jūmystary jürgızılude. Bügıngı taŋda 30 eldı mekennıŋ 15 eldı mekenınde (Saryaǧaş-5, Keles-4, Qazyǧūrt-1, Ordabasy-3, Otyrar-1, Bäidıbek-1) nysannyŋ qūrylysy aiaqtalǧan. Al, qalǧan 15 eldı mekende qūrylys jūmystary jalǧasuda. 
 
Oblysty kärız jüielerımen qamtu maqsatynda 16 jobanyŋ qūrylysy qolǧa alynǧan. Jyl soŋyna deiın 10 nysannyŋ qūrylysy aiaqtalady. Atap aitqanda, biyl Türkıstan qalasynda 7 nysan, Arys qalasynda 1 nysan, Lengırde 1 nysan, Ordabasy audanynda 1 nysan paidalanuǧa tapsyrylmaq. 

2025 jyly öŋırdı gazdandyru üşın 80 nysannyŋ qūrylysyna tiıstı qarjy bölındı. Osy jyly 46 jobanyŋ qūrylysy aiaqtalyp, 73 myŋ halqy bar 43 eldı meken tabiǧi gazǧa qosylmaq. Al, 34 jobany kelesı jyly paidalanuǧa tapsyru közdelgen. Qazırgı taŋda 32 nysan paidalanuǧa tapsyryldy. Jyl qorytyndysymen 73 myŋ halqy bar 43 eldı meken tabiǧi gazben qamtylady. Nätijesınde, gazdandyru deŋgeiı 75,1%-ǧa jetıp, oblys aumaǧynda 1,9 mln. tūrǧyny bar 606 eldı meken tolyq «kögıldır otynǧa» qosylady. 

Odan bölek, biyl 110,4 myŋ halqy bar 53 eldı mekendı sapaly elektr quatymen qamtu maqsatynda 47 nysannyŋ qūrylysy qolǧa alyndy. Onyŋ ışınde, 25 nysannyŋ qūrylys osy jyly aiaqtalsa, 22 nysannyŋ qūrylysy 2026 jylǧa ötpelı. Bügıngı taŋda 17 nysannyŋ qūrylysy aiaqtalyp, 14 eldı mekende tūratyn 32,5 myŋ adam tūraqty ärı sapaly elektr energiiasymen qamtamasyz etıldı. Qalǧan 5 nysan qūrylysy jyl soŋyna deiın aiaqtalady. Sonyŋ ışınde, Tölebi audanynda 110 kV «Alatau» qosalqy stansiiasy ıske qosyldy. Jetısai audanyndaǧy 110 kV «Jetısai» qosalqy stansiiasynyŋ qūrylysy aiaqtaldy, ıske qosu jūmystary jürgızılude.

Jylumen qamtu salasynda biyl 3 nysanǧa oblystyq biudjetten qarjy qaralyp, 40,2 şaqyrym jylu jelılerı tolyǧymen qaita qūryldy. Nätijesınde, 2024-2025 jyldary Kentaudaǧy jylu energo ortalyǧynda 6 qazandyqta tolyǧymen qaita qūru jūmystary jürgızılıp, 8 qazandyqqa basqarudyŋ avtomattandyrylǧan jüiesı ornatyldy. Sonymen qatar stansiiadaǧy turboagregattar aǧymdaǧy jöndeu jūmystary jürgızılıp, nätijesınde elektr quatyn öndıru körsetkışı 5 MVt-tan 10 MVt-qa ūlǧaidy. 

Sonymen qatar jiynda oblystyq jolauşylar kölıgı jäne avtomobil joldary basqarmasynyŋ basşysy Quatjan Jumataevtyŋ esebı tyŋdaldy. Biyl oblys aumaǧyndaǧy avtomobil joldary sapasyn arttyru maqsatynda qūrylys-jöndeu jūmystarymen jalpy 288 nysan nemese 1241,5 şaqyrym joldar men köşeler qamtyluda. Jyl soŋyna deiın ūzyndyǧy 951,4 şaqyrymdy qūraityn 233 nysandy paidalanuǧa beru közdelude. Atqarylǧan jūmystardyŋ nätijesınde jergılıktı maŋyzy bar joldardyŋ jaqsy jäne qanaǧatty jaǧdaidaǧy ülesı 94,7%-ǧa jetpek.