Türkıstanda Respublika künıne orai Memlekettık tudy köteru räsımı öttı

Türkıstandaǧy «Rämızder» alaŋynda 25 qazan – Respublika künıne arnalǧan Memlekettık tudy köteru saltanaty öttı. Is-şara Qazaqstan Respublikasynyŋ Memlekettık Änūranyn oryndaudan bastalyp, kök bairaq jelbıredı.

Saltanatty jiynǧa Türkıstan oblysynyŋ äkımı Nūralhan Köşerov, öŋırdıŋ qūrmettı azamattary, jastar jäne qala tūrǧyndary qatysty. Memleket basşysy Qasym-Jomart Toqaevtyŋ bastamasymen elımızdıŋ barlyq öŋırınde Respublika künıne arnalǧan memlekettık tudy köteru räsımı dästürge ainalǧan. Sol igı bastama qasiettı Türkıstan törınde de jalǧasyn tapty. 

– Barşaŋyzdy 25 qazan – Respublika künımen şyn jürekten qūttyqtaimyn! Memleket Basşysy Qasym-Jomart Toqaev Respublika künıne ūlttyq mereke märtebesın qaitaru turaly bastama köterıp, ol jüzege asty. Jyl saiyn Respublika künı Prezidentımız Tu köteru räsımın ötkızedı. Būl ıs-şara respublikanyŋ barlyq öŋırınde öz jalǧasyn tabady. Mıne, bügın osy maqsatta özderıŋızben Türkıstan törınde jüzdesıp tūrmyz. Biyl 1990 jyly 25 qazanda qabyldanǧan deklarasiiaǧa biyl 35 jyl tolyp otyr. Būl deklarasiia elımızdıŋ täuelsızdık aluyna jol aşqan maŋyzdy qūjat boldy. Bügınde täuelsız elımız tūraqty damyp keledı. Eldıgımız mäŋgı bolsyn! Kök bairaǧymyz ärdaiym kökte jelbırep, elımızdıŋ märtebesı biıktei bersın! – dedı oblys äkımı Nūralhan Köşerov.

Türkıstandyqtar būl merekenı joǧary deŋgeide atap ötıp, memlekettık rämızderdı qūrmet tūtu dästürın jalǧastyrdy. Merekelık şara aiasynda konserttık baǧdarlama ūiymdastyrylyp, otansüigıştıkke tärbieleitın änder şyrqaldy. 

Aita keteiık, Türkıstandaǧy tu tūǧyrynyŋ biıktıgı – 62,5 metr, bairaqtyŋ enı –12 metr, ūzyndyǧy – 24 metr. 

Memlekettık tu – eldıktıŋ belgısı, azattyqtyŋ aibary. Memlekettık rämızderdı qasterleu – otanşyldyqtyŋ körınısı.