Ásem Almatynyń kóz tartatyn demalys oryndary az emes. Sol qatarǵa jýyrda taǵy bir jasyl baq qosyldy. Burynǵy Almaty botanıkalyq baǵyn qaıta qalpyna keltirý jumysytaryna Bolat Ótemuratov Qory 15 mln AQSh dollaryn jumsaǵan.
«Bul – qaıyrymdylyq joba. Onyń bastalý sátinen bastap biz úsh negizgi prınıpti basshylyqqa aldyq. Birinshisi – baqtyń ósimdikterine kútip qaraý. Botanıka jáne fıtoıntrodýkııa ınstıtýtynyń qyzmketlerimen birlesip onyń jasyl qoryn saqtap qalý jáne kóbeıtý.
Ekinshisi – shyn máninde jaıly ári qaýipsiz qoǵamdyq keńistik qurý úshin dızaınynda, sáýletinde jáne ınfraqurylymdy josparlaýda úzdik tájirıbe men saraptaýdy qoldanyp, ekologııalyq, joǵary sapaly qurylys materıaldaryn paıdalaný.
Úshinshisi – jobanyń ashyqtyǵy jáne eseptiligi. Onyń ishinde, qoǵamdyq qarastýrydy ótkizý men áleýmettik jeliler arqyly qalanyń belsendi turǵyndarymen ári ekologııalyq uymdarmen qaıta qurý jumystary boıynsha dıalog qurý», - deıdi Bolat Ótemuratov Qorynyń dırektory Marat Aıtmaǵambetov.
Bul kúnderi Bas botanıkalyq baqqa megapolıs turǵyndary men qala qonaqtarynan bólek shet elderden týrıster de kelýde. Ósimdikterdi qorǵaýǵa basty nazar aýdarylǵan.
Baqqa 174,3 myń jańa ósimdik otyrǵyzylylǵan. Onyń ishinde sırek túrler men suryptar – 1300-den astam jańa taldar (balqaraǵaı, boz arsha, shıe, alma, almurt, qaraórik, emen, úıeńki, qaıyn, jókeniń túrleri), 40 myń buta, 130 myń astyq tuqymdastar men kópjyldyq gúlder, 3 myń raýshan gúl, «Shantekler» almurty, qyzyl japyraqty «Roıal Red» úıeńkisi (Eýropanyń shekterinen tys tuńǵysh ret otyrǵyzylǵan), magnolııanyń birneshe sorty, Bonsaı aǵashtary sekildi eksklıýzıvter otyrǵyzylǵan. Sondaı-aq, jańartylǵan baqtyń shynaıy áshekeıleri bolǵan sakýralar da bar.
Botanıkalyq baqtyń aqyly qyzmeti mynadaı:
Eresekterge – 500 teńge;
Stýdentter men zeınetkerlerge — 500teńge;
Mektep oqýshylaryna – 300 teńge;
Ekskýrsovod jaldaý — 1000 teńge;
Stýdentter men zeınetkerlerge ekskýrsovod jaldaý – 500 teńge;
Kıno, vıdeo, foto túsirilim – saǵatyna 5000 teńge;
Fotoapparatqa túsý saǵatyna — 3000 teńge;
1 adamǵa úılený toıyna kelý – 1000 teńge;
Múmkindigi shekteýli adamdarǵa, 5 jasqa deıingi balalarǵa – tegin.
Demalys orny saǵat 09:00-den 21:00-ge deıin qyzmet kórsetedi.
Kelýshilerdiń qaýipsizdigi úshin beıne baqylaý kameralary, joldy adaspaı tabý úshin ár qıylysta jol baǵdarlaryn anyqtaıtyn kartalar qoıylǵan.
Bas botanıkalyq baqtyń burynǵy bir kireberisiniń ornyna úsh jańa kireberis pavılon turǵyzylǵan. Kelýshiler baqqa Tımırıazev kóshesinen, «Atakent» kórme ortalyǵynan, sondaı-aq Ál-Farabı dańǵylynan kire alady. Barlyq pavılondar tabıǵı materıaldardan jasalǵan. Elektrondyq bılettendirý júıeleri jáne týrıstik qoǵamdyq oryndarǵa tán ınfraqurylym – kádesyı dúkenderi, shaǵyn kafeterııler, dárethanalar ornatylǵan.
Gúlvıra Asqarqyzy,
"Adyrna" ulttyq portaly
