اسەم الماتىنىڭ كوز تارتاتىن دەمالىس ورىندارى از ەمەس. سول قاتارعا جۋىردا تاعى ءبىر جاسىل باق قوسىلدى. بۇرىنعى الماتى بوتانيكالىق باعىن قايتا قالپىنا كەلتىرۋ جۇمىسىتارىنا بولات وتەمۇراتوۆ قورى 15 ملن اقش دوللارىن جۇمساعان.
«بۇل – قايىرىمدىلىق جوبا. ونىڭ باستالۋ ساتىنەن باستاپ ءبىز ءۇش نەگىزگى ءپرينتسيپتى باسشىلىققا الدىق. ءبىرىنشىسى – باقتىڭ وسىمدىكتەرىنە كۇتىپ قاراۋ. بوتانيكا جانە فيتوينترودۋكتسيا ينستيتۋتىنىڭ قىزمكەتلەرىمەن بىرلەسىپ ونىڭ جاسىل قورىن ساقتاپ قالۋ جانە كوبەيتۋ.
ەكىنشىسى – شىن مانىندە جايلى ءارى قاۋىپسىز قوعامدىق كەڭىستىك قۇرۋ ءۇشىن ديزاينىندا، ساۋلەتىندە جانە ينفراقۇرىلىمدى جوسپارلاۋدا ۇزدىك تاجىريبە مەن ساراپتاۋدى قولدانىپ، ەكولوگيالىق، جوعارى ساپالى قۇرىلىس ماتەريالدارىن پايدالانۋ.
ءۇشىنشىسى – جوبانىڭ اشىقتىعى جانە ەسەپتىلىگى. ونىڭ ىشىندە، قوعامدىق قاراستۋرىدى وتكىزۋ مەن الەۋمەتتىك جەلىلەر ارقىلى قالانىڭ بەلسەندى تۇرعىندارىمەن ءارى ەكولوگيالىق ۇىمدارمەن قايتا قۇرۋ جۇمىستارى بويىنشا ديالوگ قۇرۋ»، - دەيدى بولات وتەمۇراتوۆ قورىنىڭ ديرەكتورى مارات ايتماعامبەتوۆ.
بۇل كۇندەرى باس بوتانيكالىق باققا مەگاپوليس تۇرعىندارى مەن قالا قوناقتارىنان بولەك شەت ەلدەردەن تۋريستەر دە كەلۋدە. وسىمدىكتەردى قورعاۋعا باستى نازار اۋدارىلعان.
باققا 174,3 مىڭ جاڭا وسىمدىك وتىرعىزىلىلعان. ونىڭ ىشىندە سيرەك تۇرلەر مەن سۇرىپتار – 1300-دەن استام جاڭا تالدار (بالقاراعاي، بوز ارشا، شيە، الما، المۇرت، قاراورىك، ەمەن، ۇيەڭكى، قايىن، جوكەنىڭ تۇرلەرى), 40 مىڭ بۇتا، 130 مىڭ استىق تۇقىمداستار مەن كوپجىلدىق گۇلدەر، 3 مىڭ راۋشان گۇل، «شانتەكلەر» المۇرتى، قىزىل جاپىراقتى «رويال رەد» ۇيەڭكىسى (ەۋروپانىڭ شەكتەرىنەن تىس تۇڭعىش رەت وتىرعىزىلعان), ماگنوليانىڭ بىرنەشە سورتى، بونساي اعاشتارى سەكىلدى ەكسكليۋزيۆتەر وتىرعىزىلعان. سونداي-اق، جاڭارتىلعان باقتىڭ شىنايى اشەكەيلەرى بولعان ساكۋرالار دا بار.
بوتانيكالىق باقتىڭ اقىلى قىزمەتى مىناداي:
ەرەسەكتەرگە – 500 تەڭگە;
ستۋدەنتتەر مەن زەينەتكەرلەرگە — 500تەڭگە;
مەكتەپ وقۋشىلارىنا – 300 تەڭگە;
ەكسكۋرسوۆود جالداۋ — 1000 تەڭگە;
ستۋدەنتتەر مەن زەينەتكەرلەرگە ەكسكۋرسوۆود جالداۋ – 500 تەڭگە;
كينو، ۆيدەو، فوتو ءتۇسىرىلىم – ساعاتىنا 5000 تەڭگە;
فوتواپپاراتقا ءتۇسۋ ساعاتىنا — 3000 تەڭگە;
1 ادامعا ۇيلەنۋ تويىنا كەلۋ – 1000 تەڭگە;
مۇمكىندىگى شەكتەۋلى ادامدارعا، 5 جاسقا دەيىنگى بالالارعا – تەگىن.
دەمالىس ورنى ساعات 09:00-دەن 21:00-گە دەيىن قىزمەت كورسەتەدى.
كەلۋشىلەردىڭ قاۋىپسىزدىگى ءۇشىن بەينە باقىلاۋ كامەرالارى، جولدى اداسپاي تابۋ ءۇشىن ءار قيىلىستا جول باعدارلارىن انىقتايتىن كارتالار قويىلعان.
باس بوتانيكالىق باقتىڭ بۇرىنعى ءبىر كىرەبەرىسىنىڭ ورنىنا ءۇش جاڭا كىرەبەرىس پاۆيلون تۇرعىزىلعان. كەلۋشىلەر باققا تيميريازەۆ كوشەسىنەن، «اتاكەنت» كورمە ورتالىعىنان، سونداي-اق ءال-فارابي داڭعىلىنان كىرە الادى. بارلىق پاۆيلوندار تابيعي ماتەريالداردان جاسالعان. ەلەكتروندىق بيلەتتەندىرۋ جۇيەلەرى جانە تۋريستىك قوعامدىق ورىندارعا ءتان ينفراقۇرىلىم – كادەسىي دۇكەندەرى، شاعىن كافەتەريلەر، دارەتحانالار ورناتىلعان.
گۇلۆيرا اسقارقىزى،
"ادىرنا" ۇلتتىق پورتالى
