Tegeranda ıslamdyq kıim úlgisiniń engizilýine narazylyq retinde kıimin sheshken stýdent qyz ustaldy, dep habarlaıdy «Adyrna» ulttyq portaly DW-ge silteme jasap.
BAQ habarlaýynsha, ustalǵan qyz soqqyǵa jyǵylǵan. Amnesty International uıymy ony bosatýdy jáne quqyq qorǵaý organdarynyń áreketterin tergeýdi talap etýde.
Oqıǵanyń kýágerleri túsirgen vıdeolar, senbi kúni ırandyq áleýmettik jelilerde, odan keıin BAQ-ta tarady. Vıdeolardyń birinen jalańash qyzdyń stýdenttik qalashyqty aralap, keıin ýnıversıtet janyndaǵy tas parapetke otyryp jatqanyn kórýge bolady.
Basqa bir jazbada qarapaıym kıimdegi er adamdar stýdent qyzdy kólikke kúshtep otyrǵyzyp, belgisiz baǵytqa alyp ketkeni túsirilgen. Amir Kabir Newsletter stýdenttik basylymynyń habarlaýynsha, qyz hıdjabty «durys» kımegeni úshin «Basıdj» áskerı quramasynyń sarbazdary eskertý jasap, onyń kıimin jyrtqannan keıin sheshingen. Ustaý kezinde qyzdy soqqyǵa jyǵyp, basyn kóliktiń esigine nemese baǵanaǵa urǵan, bul qan ketýge alyp kelgen dep jazady basylym. Stýdenttiń aty-jóni aıtylmady.
Amnesty International quqyq qorǵaý uıymy Iran bıliginen kıimdi jabyq kııýdi talap etken qaýipsizdik qyzmetkerleriniń zańsyz kúsh qoldanýyna narazylyq bildirý úshin sheshingennen keıin ustalǵan ýnıversıtet stýdentin dereý bosatýdy talap etti. «Ustaý kezinde ony uryp-soǵý jáne seksýaldyq zorlyq-zombylyq kórsetý aıyptaýlary táýelsiz ári beıtarap tergeýdi qajet etedi», - dep atap ótti quqyq qorǵaýshylar.
Ýnıversıtet ókili ustalǵan stýdenttiń psıhıkalyq aýrýy bar ekenin aıtyp, ony klınıkaǵa jibergenderin málimdedi.
Irandaǵy barlyq áıelder shashtaryn oramalmen jabýǵa jáne keń kıim kııýge mindetti. Bul talapty buzǵandardy bılik «aıaýsyz qýdalaıtyny» málimdedi. Olardy «aqyldy kameralar» arqyly anyqtaý josparlanýda. Qazirgi ýaqytta el parlamenti hıdjab kııý erejelerin qatańdatatyn zań jobasyn qarastyryp jatyr. Bul ıdeıany konservatıvti ıslam dinbasylarynan turatyn Konstıtýııanyń qorǵaýshylar keńesi maquldady.
