Deputat Ashat Aimaǧambetov jūmys ısteitın zeinetkerlerdı Eŋbek ministrlıgınıŋ memlekettık zeinetaqydan aiyru turaly ūsynysyn synǧa aldy, dep habarlaidy «Adyrna» ūlttyq portaly.
Onyŋ aituynşa, būl ideia biudjettı oŋtailandyrudyŋ ädıl joldaryn ızdeudıŋ ornyna halyqtyŋ eŋ osal toptarynyŋ bırı esebınen memlekettık şyǧyndar mäselesın şeşuge tyrysu siiaqty körınedı.
«Adamdar eŋ az qarsylyq bıldıretın jerde ünemdeu joldaryn ızdeitın siiaqty. Aldymen onkologiialyq nauqastardy emdeudı qarjylandyrudy qysqartu turaly ūsynystar boldy, sodan keiın hospister men auyr nauqastardy qoldauǧa, al qazır jūmys ısteitın zeinetkerlerge qatysty ūsynystar paida boldy. Zeinetkerlerdıŋ köpşılıgı öz qalauy boiynşa emes, qajettılık boiynşa jūmysyn jalǧastyruda, öitkenı olardyŋ tabysy negızgı qajettılıkterge jetpeidı. Biudjettı ünemdeu qajet, bıraq bılım beru, densaulyq saqtau, zeinetaqylar, järdemaqylar jäne azamattardyŋ jalaqylaryna qol sūǧuǧa bolmaidy» - dep jazdy Ashat Aimaǧanbetov instagram äleumettık jelısınde.Eŋbek ministrı Svetlana Jaqypova būl ūsynystyŋ tek talqylanyp jatqanyn, jaqyn arada jüzege asyrylmaitynyn tüsındırdı. Degenmen, deputat būl ideianyŋ konstitusiialyq jäne ädılettılık prinsipterıne qaişy keletının alǧa tartty. Sondai-aq, ol qoǧamda tüsınıspeuşılıkter men şamadan tys mazasyzdyqty boldyrmau üşın osyndai sezımtal mäseleler boiynşa ärıptesterınıŋ salmaqty türde söilegenın qalaitynyn aitty.
Ūqsas jaŋalyqtar
