Prezıdent Qasym-Jomart Toqaev medıına qyzmetkerlerin kásibı merekesimen quttyqtap, olarǵa memlekettiń jan-jaqty qoldaý kórsetip jatqanyn atap ótti.
"Elimizdegi barsha medıına qyzmetkerlerin kásibı merekelerimen quttyqtaımyn! Aýyrǵan jandy emdeý, ómirin saqtaý – sizderdiń qasterli eńbekterińiz. Búginde kópshiligińiz pandemııamen kúrestiń aldyńǵy shebinde júrsizder. Qajyrly eńbekterińiz úshin alǵys aıtamyn. Aman bolyńyzdar! Memleket sizderge jan-jaqty kómek beredi", - dedi tvıtter paraqshasynda.
Qazaqstanda maýsym aıynyń úshinshi jeksenbisinde medıına qyzmetkerleri kúni bolyp bekitilgen. Aq halattylardy bas dáriger Eljan Birtanov ta quttyqtady.
«Qazaqstandyq dárigerlerdiń osyndaı qıyn ýaqytta basymyzǵa túsken aýyrtpalyqty jeńe alatynyna senimdimin. Men buǵan qazir áriptesterimniń qolynda emdelip jatyp taǵy kóz jetkizdim - olar óz isiniń kásibı sheberi. Barshańyzǵa myń alǵys!», - dedi E. Birtanov.
Eske sala ketsek, búginge deıin elimizde 17 225 adam koronavırýspen aýyrǵan. Olardyń 10 719-y jazylyp shyqty. Ókinishke qaraı 118 adam osy dertten qaıtys boldy.
Al COVID-19 vırýsyn juqtyrǵan dárigerler sany – 1 904. Densaýlyq saqtaý mınıstrliginiń ókili Lázzat Aqtaevanyń aqparaty boıynsha, olardyń 30 paıyzy ǵana vırýsty jumys barysynda juqtyrǵan.
"Adyrna" ulttyq portaly
