Sońǵy kezde áleýmettik jelilerde Túrkistanda belgisiz dertten adam ólimi kóbeıgeni jaıly aqparat kezip ketti. Belgisiz indet deıtini tumaý ma, pnevmonııa ma, koronavırýs pa ózimiz bilmeımiz degen turǵyndar aýrýhanalarda oryn joq, dárigerler qaramaıdy, dári-dármek tapshy dep málimdegen bolatyn. Búgin "Adyrna" ulttyq portalynyń tilshisine Túrkistan oblystyq qoǵamdyq densaýlyq basqarmasy resmı jaýap berdi. Bul aqparattardyń qaýeset, shynjdyqqa janaspaıtyndyǵyn aıtqan densaýlyq basqarmasy jurtty jel sózge senbeýge shaqyrdy.
"Qazirgi tańda Túrkistan qalalyq ortalyq aýrýhanasynda pnevmonııamen 291 adam em qabyldaýda. 298 naýqas jazylyp shyqty.
Áleýmettik jelilerde aýrýhana jabyldy jáne oryn joq dep taraǵan aqparat jalǵan. Túrkistan qalalyq ortalyq aýrýhanasynda qosymsha 220 tósek oryndyq provızorlyq staıonar qyzmet kórsetýde. 54 dáriger, 109 orta býyn jáne 59 kishi býyn qyzmetkerleri kúni-túni naýqastarǵa emdik sharalaryn aıanbaı kórsetip keledi. Naýqastardy emdeýge qosymsha óńirdegi medıınalyq uıymdardan 3 reanımotolog-dáriger, 1 epıdemıolog jáne meıirbıkeler men tazalyqshylar jumyldyrylǵan.
Aýrýhanalarǵa dári-dármek qory aı saıyn bólinip otyrady. Qazirgi jaǵdaıda bir aıǵa bólingen dári-dármek taýsylǵandyqtan, qordan qosymsha dári-dármekter jetkizilgen. Naýqastarǵa dári-dármek jetkilikti. Turǵyndardan sabyr saqtap, eń bastysy karantın rejımin qadaǵalaýlaryn suranamyz" deıdi Túrkistan oblystyq qoǵamdyq densaýlyq basqarmasynyń baspasóz qyzmeti.
Túrkistan oblysy qoǵamdyq densaýlyq basqarmasy basshysynyń orynbasary Nurhan Narymbetova bolsa bul aýrýdyń tynys alý jolynan qıyndyq kórip júrgen naýqastarǵa ońaı soqpaıtynyn aıtty.
"Adyrna" ulttyq portaly
