Resmı jaýap: Nefedova hanymnyń páteri jekeshelendirilmegen

977

Búgin "Adyrna" ulttyq portalynda  «Nefedova hanym páterin neshe teńgege jekeshelendirdi?» atty maqala jarııalanǵan. Ekibastuz qalasynyń baspasóz qyzmeti bul synǵa jaýap berdi. 

Teristeme

2020 jylǵy 3 maýsym kúni Asýan Taıjan avtorlyǵymen shyqqan «Nefedova hanym páterin neshe teńgege jekeshelendirdi?»atty jarııalanymda N.V.Nefedovanyń ar-namysyna, abyroıyna jáne iskerlik bedeline kir
keltiretin ári dáıeksiz aqparat berilgen. «BAQ týraly» QR Zańynyń 19 babyna, sonymen qatar QR QK 13 babyna
sáıkes, tómendegideı teristemeni jarııalaýyńyzdy suraımyz: Qala ákiminiń orynbasary N.V.Nefedova shynymen de Q.Sátbaev at. EITI-da qosymsha jumys júrgizedi. «Qazaqstan Respýblıkasyndaǵy memlekettik qyzmet týraly»QR Zańynyń 13 b. 1 t. 2 t. sáıkes, memlekettik qyzmetshi tólenetin pedagogtik, ǵylymı jáne ózge de shyǵarmashylyq qyzmetpen aınalysýǵa quqyly. Sol sebepti de, onyń atalǵan joǵarǵy oqý ornyndaǵy jumysy qoldanystaǵy zańnamaǵa qaıshy kelmeıtinin jetkizemiz. Buǵan qosa, ǵylymı dárejesi bar N.V.Nefedova RhD doktory bolyp tabylyp, stýdentterge qashyqtyqtan bilim berý tehnologııalaryn qoldanýmen 8 saǵat dáris beredi. Turǵyn úı suraǵyna qatysty. N.V.Nefedova osy qyzmetke taǵaıyndalǵanǵa deıin Pavlodar qalasynda oblystyq jastar saıasaty máseleleri jónindegi basqarma basshysy laýazymynda bolǵan. Qyzmet babymen Ekibastuz qalasyna kóship kelýine baılanysty, 28.08.19j. №29 Jaldaý shartyna
sáıkes, N.V.Nefedovaǵa memlekettik qyzmettik turǵyn úı qorynan páter berildi. Bul páter bolsa, jekeshelendirilmegen.
Qala ákiminiń orynbasary qyzmetindegi eki jyly ishinde N.V.Nefedovanyń eńbekke jaramsyzdyq paraǵy da joq, tártiptik jazaǵa da tartylmaǵan. Áleýmettik salaǵa tıesili Ekibastuz óńirindegi barlyq jobalar sátti júzege asyrylyp keledi.

Qazaqstan Respýblıkasynyń zańnamasyna sáıkes, teristemeni jarııalaýyńyzdy suraımyz. Teristemeni jarııalaýdan bas tartylsa, N.V.Nefedova zańdy múddesin qorǵaý úshin sotqa jáne QR quqyqqorǵaý organdaryna habarlasý quqyǵyn ózine qaldyrady.

Ekibastuz qalasy ákiminiń baspasóz qyzmeti

Redakııadan: "Adyrna" ulttyq portaly  kez-kelgen  synı maqalanyń ekinshi tarabyn shyǵarýǵa ázir ekenin eskertedi.

Pikirler
Redakııa tańdaýy