بۇگىن "ادىرنا" ۇلتتىق پورتالىندا «نەفەدوۆا حانىم پاتەرىن نەشە تەڭگەگە جەكەشەلەندىردى؟» اتتى ماقالا جاريالانعان. ەكىباستۇز قالاسىنىڭ ءباسپاسوز قىزمەتى بۇل سىنعا جاۋاپ بەردى.
تەرىستەمە
2020 جىلعى 3 ماۋسىم كۇنى اسۋان تايجان اۆتورلىعىمەن شىققان «نەفەدوۆا حانىم پاتەرىن نەشە تەڭگەگە جەكەشەلەندىردى؟»اتتى جاريالانىمدا ن.ۆ.نەفەدوۆانىڭ ار-نامىسىنا، ابىرويىنا جانە ىسكەرلىك بەدەلىنە كىر
كەلتىرەتىن ءارى دايەكسىز اقپارات بەرىلگەن. «باق تۋرالى» قر زاڭىنىڭ 19 بابىنا، سونىمەن قاتار قر قك 13 بابىنا
سايكەس، تومەندەگىدەي تەرىستەمەنى جاريالاۋىڭىزدى سۇرايمىز: قالا اكىمىنىڭ ورىنباسارى ن.ۆ.نەفەدوۆا شىنىمەن دە ق.ساتباەۆ ات. ەيتي-دا قوسىمشا جۇمىس جۇرگىزەدى. «قازاقستان رەسپۋبليكاسىنداعى مەملەكەتتىك قىزمەت تۋرالى»قر زاڭىنىڭ 13 ب. 1 ت. 2 ت. سايكەس، مەملەكەتتىك قىزمەتشى تولەنەتىن پەداگوگتiك، عىلىمي جانە وزگە دە شىعارماشىلىق قىزمەتپەن اينالىسۋعا قۇقىلى. سول سەبەپتى دە، ونىڭ اتالعان جوعارعى وقۋ ورنىنداعى جۇمىسى قولدانىستاعى زاڭناماعا قايشى كەلمەيتىنىن جەتكىزەمىز. بۇعان قوسا، عىلىمي دارەجەسى بار ن.ۆ.نەفەدوۆا رhD دوكتورى بولىپ تابىلىپ، ستۋدەنتتەرگە قاشىقتىقتان ءبىلىم بەرۋ تەحنولوگيالارىن قولدانۋمەن 8 ساعات ءدارىس بەرەدى. تۇرعىن ءۇي سۇراعىنا قاتىستى. ن.ۆ.نەفەدوۆا وسى قىزمەتكە تاعايىندالعانعا دەيىن پاۆلودار قالاسىندا وبلىستىق جاستار ساياساتى ماسەلەلەرى جونىندەگى باسقارما باسشىسى لاۋازىمىندا بولعان. قىزمەت بابىمەن ەكىباستۇز قالاسىنا كوشىپ كەلۋىنە بايلانىستى، 28.08.19ج. №29 جالداۋ شارتىنا
سايكەس، ن.ۆ.نەفەدوۆاعا مەملەكەتتىك قىزمەتتىك تۇرعىن ءۇي قورىنان پاتەر بەرىلدى. بۇل پاتەر بولسا، جەكەشەلەندىرىلمەگەن.
قالا اكىمىنىڭ ورىنباسارى قىزمەتىندەگى ەكى جىلى ىشىندە ن.ۆ.نەفەدوۆانىڭ ەڭبەككە جارامسىزدىق پاراعى دا جوق، تارتىپتىك جازاعا دا تارتىلماعان. الەۋمەتتىك سالاعا تيەسىلى ەكىباستۇز وڭىرىندەگى بارلىق جوبالار ءساتتى جۇزەگە اسىرىلىپ كەلەدى.
قازاقستان رەسپۋبليكاسىنىڭ زاڭناماسىنا سايكەس، تەرىستەمەنى جاريالاۋىڭىزدى سۇرايمىز. تەرىستەمەنى جاريالاۋدان باس تارتىلسا، ن.ۆ.نەفەدوۆا زاڭدى مۇددەسىن قورعاۋ ءۇشىن سوتقا جانە قر قۇقىققورعاۋ ورگاندارىنا حابارلاسۋ قۇقىعىن وزىنە قالدىرادى.
ەكىباستۇز قالاسى اكىمىنىڭ ءباسپاسوز قىزمەتى
رەداكتسيادان: "ادىرنا" ۇلتتىق پورتالى كەز-كەلگەن سىني ماقالانىڭ ەكىنشى تارابىن شىعارۋعا ءازىر ەكەنىن ەسكەرتەدى.
