Bügın belgılı halyq aqyny ärı kompozitor Nartai Bekejanovtyŋ tuǧan künı, dep habarlaidy "Adyrna" tılşısı.
Ol 1890 jyly 26 nauryzda qazırgı Şielı audanynda ömırge kelgen.
Kompozitor közınıŋ tırısınde-aq halyqtyŋ "süiıktısı" atanǧan.
Nartai aqyn turaly Jambyl Jabaev:
"O, Nartai, şeşen taŋdai, qasqa maŋdai, Auzyŋnan şyqqan sözıŋ şeker-baldai. Aityssaŋ, aldyrmassyŋ aqyndarǧa, Jarqyrap qaraŋǧyda janǧan şamdai", - dep öleŋ joldaryn arnaǧan.1934 jyly mausymda Almatyda halyq önerpazdarynyŋ bırınşı sletınde Nartai aqyn «Zamana būlbūly» atty tolǧauyn oryndap bergen. Ekı jyldan soŋ Mäskeude qazaq ädebietı men önerınıŋ alǧaşqy onkündıgı bolyp, oǧan Jambyl bastaǧan aqyndarmen qatar Nartai da qatysty. Mäskeuden köŋıldı oralǧan Nartai Şielı töŋıregındegı aqyn-jyrşylar men änşı-küişılerdıŋ basyn qūrap, körkemönerpazdar üiırmesın ūiymdastyryp, közge tüse bastaǧan. Nartai Bekejanov 1939 jyly Qazaq KSR önerıne eŋbek sıŋırgen qairatker ataǧyn aldy. Sol jyly KSRO Jazuşylary odaǧynyŋ müşelıgıne qabyldanyp, 1945 jyly «Qūrmet belgısı» ordenımen marapattaldy. Nartai aqyn 1954 jyly 64 jasynda ömırden öttı. Ärı aqyn, ärı kompozitor, ärı oryndauşy änşı bola bılgen jarqyn tūlǧanyŋ ömırı – halyqqa qyzmet etudıŋ ülgısı edı.
Ūqsas jaŋalyqtar
