Şyǧys Qazaqstan oblysynyŋ äkımı Danial Ahmetov toqsanynşy jyldary audandyq märtebeden aiyrylǧan eldı mekenderdıŋ ahualy jaily baian ettı, dep habarlaidy QazAqparat tılşısı.
«Marqaköl men basqa audandardy qaita qūru mäselesı turaly aityp bereiın. Maǧan ondai ötınışpen azamattar keldı. 45 adammen kezdesıp, jaqsy sūraqtar qoiyldy. Olardan: «Aityŋdarşy, qaisylaryŋyz Kürşım men Marqakölde tūrasyzdar?», - dep sūradym. Söitsem, 45 adamnyŋ bıreuı ǧana sol jaqtan kelgen eken. Bärı de 20 jyldan berı Öskemen men Semeide tūratyn bolyp şyqty. Bıraq, öte dūrys mäsele köterılıp, arnaiy komissiia qūryldy. Qazır bes audanda jūmys jürgızıp jatyrmyz. Olar: Ürjar, Tarbaǧatai, Zaisan, Katonqarai jäne Kürşım audandary. Sol audandardy arnaiy baǧdarlamamen qamtyp, qosymşa qarjy bölemız», - dedı Danial Ahmetov bügın Ortalyq kommunikasiialar qyzmetınde ötken baspasöz mäslihatynda.
Aimaq basşysy öŋırde «jaŋadan bırde-bır audan aşylmaitynyn» mälımdedı.
«Nege deseŋız, ol audandardy aşyp alsaq, jūmys oryndaryn qūryp, halyqty tartu üşın 9 mlrd teŋge kerek bolady. Halyqqa jaŋa şeneunıkter kerek pe? Onyŋ ornyna sol aldyma kelgen adamdarmen kelıstım. Olar da maqūldady. Bızge arnaiy baǧdarlama kerek. Sony ıske asyramyz», - dedı oblys äkımı.
«Adyrna» portaly
Ūqsas jaŋalyqtar
