Narazylyq şaralary alǧaş ret AQŞ-taǧy üş ırı avtomobil zauytynda bastaldy. Halyqaralyq BAQ-tyŋ jazuynşa, mūndai narazylyq şaralary 2024 jylǧy sailauda Prezident Baidenge qiyndyq tudyruy mümkın. Būl jaily "Adyrna" ūlttyq portaly habarlaidy.
AQŞ-taǧy üş avtomobil zauytynda, 15 qyrküiekte, tün ortasynan bastap ereuıl bastaldy. Narazylyq şaralaryn United Auto Workers (UAW) avtoönerkäsıp qyzmetkerlerı ūiymdastyrdy. 150 myŋ UAW müşesınıŋ 13 myŋ qyzmetkerı öz jūmysyn toqtatty. Missuri men Michigan Ştattaryndaǧy General Motors jäne Ford, Ogaiodaǧy Chrysler jäne Jeep avtomobil brendterı şyǧatyn üş konsernınde de jūmys toqtady.
Käsıpodaq ökılderı tört jyl boiy jalaqyny 36 paiyzǧa köteruge ūmtyluda. Bastapqyda UAW jalaqyny 40 paiyzǧa köterudı talap etken. Sonymen qatar, käsıpodaq 2008 jylǧy qarjylyq daǧdarystan keiın toqtaǧan kei äleumettık tölemderdı qaita bastaudy talap etedı. Al jūmys beruşıler 4,5 jyl ışınde jalaqyny 20 paiyzǧa arttyrudy ūsyndy.
UAW töraǧasy Şon Fein öz sözınde infliasiianyŋ joǧary ekenın jäne avtokonsernder paidasyna jalaqynyŋ sai kelmeitının mälımdedı.
Ford basşysy Djim Farli CNBC-ge bergen sūhbatynda mūndai talaptardy oryndai almaitynyn aitty, öitkenı mūndai talaptar kompaniiany bankrottyqqa äkeledı. Käsıpodaq ökılderı būǧan jauap retınde kompaniianyŋ ötken jylǧy kırısın alǧa tartty (21 million dollar bolǧan).
Sarapşylar mūndai narazylyq şaralarynyŋ sailauǧa salqynyn tigızıp, Baidennıŋ qaita bilıkke keluıne tosqauyl bolatynyn aitady.
"Adyrna" ūlttyq portaly
Ūqsas jaŋalyqtar
