«TikTok» jelısınde qūmar oiyn ūiymdastyrǧan Almaty qalasynyŋ 2 tūrǧyny 4 aida 13 mln teŋgege juyq tabys tapqan. QR Qarjylyq monitoring agenttıgı «TikTok» jelısınde mūndai qūmar oiyndar ūiymdastyryp, "qarjyny qarşa küregen" 100-den astam akkauntty anyqtady. Mūndai äreketterdıŋ zaŋǧa qaişy ekendıgın mälımdep, qoldanuşylarǧa eskertu jasady, dep habarlaidy "Adyrna" ūlttyq portaly QR Qarjylyq monitoring agenttıgınıŋ baspasöz qyzmetıne sılteme jasap.
Baspasöz qyzmetınıŋ habarlauynşa, negızınen «TikTok» jelısınde keŋ etek alǧan mūndai oiyndarǧa karta oiyny, süiek laqtyru jäne onlain ruletka kıredı. Oiyndardyŋ talaptary barlyǧynda bırdei. Olar qoldanuşylardy bäs tıguge şaqyrady. Onyŋ törtten bırı ūiymdastyruşyda qalady, qalǧanyn jeŋımpaz alady. Bäs tıgulerdı qabyldau jäne ūtystardy beru banktık onlain audarymdar arqyly jüzege asyrylady.«Jelılık taldau nätijesınde bız onlain oiyndy taratatyn 100-den astam akkaunt anyqtadyq. Osy jerde ūiymdastyruşylar men qatysuşylarǧa būl ärekettıŋ zaŋsyz ekenın eskertemız. QR Qylmystyq kodeksınıŋ 307-babynda zaŋsyz oiyn biznesın ūiymdastyrǧany üşın jauapkerşılık qarastyrylǧan. Qazırdıŋ özınde sottalǧandar bar, - dedı ökıldık.Mäselen, «TikTok» jelısınde qūmar oiyn ūiymdastyrǧan Almaty qalasynyŋ 2 tūrǧyny 4 aida 13 mln teŋgege juyq tabys tapqan. Tergeu qorytyndysy boiynşa olardyŋ 1,5 jylǧa bas bostandyǧy şekteldı. Sonymen qatar, qazırgı uaqytta sot «TikTok» jelısınde ūqsas mazmūndaǧy kontent üşın 4 ūiymdastyruşyǧa qatysty ıs qaralyp jatyr.
Qūrmettı azamattar, osyndai qūmar oiyndarǧa aralaspaularyŋyzdy sūraimyz. Būl zaŋǧa qaişy. Sondai-aq, ata-analardan balaŋyzdyŋ mınez-qūlqyna, onyŋ köretın kontentıne jäne onyŋ onlain saudasyna nazar audaruyn sūraimyz»,-delıngen QR Qarjylyq monitoring agenttıgı habarlamasynda.
"Adyrna" ūlttyq portaly
Ūqsas jaŋalyqtar
Qazaqstan
sot
qarjy
QR Qylmystyq kodeksı
qylmystyq jauapkerşılık
qūmar oiyn
QR Qarjylyq monitoring agenttıgı
ädılet
«TikTok» jelısı
köleŋkelı ekonomika
