Qazaqstannyŋ Ukrainadaǧy Elşısı soǧys ardagerın Jeŋıstıŋ 75 jyldyǧymen qūttyqtady

Qazaqstan Respublikasynyŋ Ukrainadaǧy Elşısı Darhan Käletaev Ūly Otan soǧysynyŋ ardagerı Nūrbai Amanjolovty Jeŋıstıŋ 75 jyldyǧymen qūttyqtady.   Būl turaly QR SIM baspasöz qyzmetı habarlady. Qazaqstandyq diplomat 97 jastaǧy soǧys ardagerıne Qazaqstan Respublikasynyŋ Prezidentı Qasym-Jomart Toqaevtyŋ Alǧys haty men «Barys» tös belgısın tabystap, oǧan ruhtyŋ sergektıgın saqtaudy, densaulyq pen ūzaq ömır tıledı. Jüzdesu barysynda N.Amanjolov özınıŋ äskeri erlıkterı turaly estelıkterımen jäne beibıtşılık ömırdegı qyzyqty oqiǧalarymen bölıstı. Şyǧys Qazaqstan oblysyndaǧy Katonqaraǧai audanynan maidanǧa 18 jastaǧy bozbala bolyp attanyp, Ukraina men Polşany azat etuge, Sandomir plasdarmyn būzuǧa, Oder özenınen ötuge, Pragany bosatuǧa qatysqan. Soǧystan keiın Karpat janyndaǧy äskeri okrugte qyzmet etıp, polkovnik ataǧymen zeinetkerlıkke şyqty. I därejelı «Otan soǧysynyŋ qyzyl jūldyzy» jäne I därejelı «Bogdan Hmelniskii» ordenderımen, sondai-aq 26 medalmen marapattalǧan. Ardager özınıŋ sanaly ömırın Ukrainada ötkızgenıne qaramastan, özınıŋ Otany - Qazaqstan Respublikasymen tyǧyz bailanysyn saqtap qalǧanyn jäne Ūly Otan soǧysynyŋ ardagerlerı men tyl eŋbekkerlerıne degen memleket basşylyǧynyŋ qamqorlyǧyn joǧary baǧalaitynyn atap öttı.