Su tasqyny: Kımge senemız? (video)

Türkıstan oblysyndaǧy su tasqyny elımızdı eseŋgıretıp tastady. Keşelı berı aimaqtyŋ resmi oryndary men azamattary oqiǧaǧa qatysty ärtürlı derekter aituda. 800-ge juyq mal şyǧyny bar eken. Jelıdegı videoda Özbekstan azamattarynyŋ  sudy Qazaqstanǧa qarai būryp jatqanyn anyq körsetedı. Oblystyŋ resmi aqparattyq resursynda mal şyǧyny turaly aitylmaidy. Bıraq köptegen jūmystardyŋ atqarylyp jatyr. «Qazırgı taŋda Türkıstan oblysy Maqtaaral audanynyŋ 4 eldımekenı: Jaŋa-Tūrmys (46 üi), Jeŋıs (130 üi), Firdousi (250 üi) jäne Örgebas (194 üi) su astynda qalǧan. Jalpy qyzyl sudan 620 üi japa şekken. Tūrǧyndardy köşıru üşın 22 evakuasiialyq oryn daiarlanǧan. Bügıngı künge būl oryndarǧa ornalasqan adam sany 7000 -ǧa juyq. Evakuasiialyq bölımderde tūrǧyndardy120 medisina qyzmetkerlerı tekseruden ötkızude. Polisiia qyzmetkerlerı Jeŋıs, Jaŋa-Tūrmys, Firdousi, Örgebas elımekenderıne 5 blok-beket qoiyp, qauıpsızdıktı qamtamasyz etude. Sonymen qatar, körşıles Jetısai audany, Qoǧaly eldımekenınde qauıpsızdıktı küşeitu maqsatynda 5 tehnika, 508 adam jūmyldyrylǧan. Jaǧdai tūraqty baqylauda, barlyq qajettı kömek uaqytyly körsetılude», deidı oblystyq baspasöz qyzmetı. Al sol öŋırdegı tılşımızdıŋ aituynşa, aimaqta 800-ge juyq maldyŋ ölgenı aitylady. «Oblystyq auyl şaruaşylyǧy basqarmasy mamandary  jürgızgen  zerdeleu jūmystary barysynda su tasqyny kezınde Jaŋa jol men Eŋbekşı  auyldyq okrugterındegı 3 eldımekende 1682 gektar auyl şaruaşylyǧy daqyldarynyŋ bülıngenı anyqtalyp otyr.  Aldyn ala boljamdyq esep boiynşa mūnyŋ şyǧyny  -181,1 million teŋgenı qūraidy. Atap aitqanda, 1480 gektar maqta -148 million teŋge,  42 gektar joŋyşqa - 2,1 million teŋge,  150 gektar baqşa - 30 million teŋge, 10 gektar jügerı - 1 million teŋge dep eseptelıp otyr. Sondai-aq, atalǧan 4 eldımekende 5335 mal basy tırkelse, onyŋ ışınde 799 mal ölgen. Onyŋ 328-ı ırı qara, 361-ı ūsaq mal, 53-ı jylqy, 57-sı tüie. Maldyŋ jalpy şyǧyny 249 million teŋgenı şamasynda»  - degen mälımet jetkızdı.   Arai auylynyŋ tūrǧyndary äkımdıgıne riza emes. Tehnikany soliarkamen qamtamasyz ete almaidy dep aşynady. Özbekstannyŋ äleumettık jelı qoldanuşysynyŋ videosynan sudy Qazaqstanǧa būryp jatqanyn köruge bolady. https://youtu.be/HJ7WyadXsZ8 https://youtu.be/BoBP-W8Mev8 https://youtu.be/xwn763H3wZU