Sońǵy kúnderi "juldyzdar" tóńireginde daý-damaı órship tur. Ánebir ánshiniń lotereıa "aferasy" shydamnyń shegin úzip jiberdi-aý deımin. Búgin bir arnada olardy juldyz emes, shegirtkege teńep jatty. Jalpy, olardy "juldyzǵa" teńeý durys pa? Ol teńeý qaıdan shyqty? Osydan bes-alty jyl buryn osy máselege baılanysty dabyl qaqqan edik. Tyńdar qulaq bolmady. Oqı otyryńyzdar!
"JULDYZDARDYŃ" ITTERINIŃ YLYQQANYN KÓREMIZ ÁLI...
-Bulbul ánshi Bıbigúl Tólegenova ózin "juldyz " emespin dep esepteıdi, -dedi maǵan búgin bir aǵamyz, -Ataǵy jer jarǵan Roza Rymbaeva da , eliniń erkesi Maqpal Júnisova da solaı dep otyr. Sonda qalǵandaryna "juldyz" degen ataýdy kim japsyryp qoıǵan? Ózderi me?
-Qaıdan bileıin,-dep ıyǵymdy qıqań etkizdim.Shynymen de bul máseleni oılanǵan joq ekenmin. Aǵam óz saýalyna ózi jaýap berdi.
-Ony oılap tapqan, bolsyn,bolmasyn árkimge japsyra beretin sender-jýrnalıster ǵoı. Qaptap ketken "juldyzdy" baǵdarlamalardy kim jasap jatyr eken? Senbeseń ataýlaryn qarashy! "Juldyzben júzdesý", "Juldyzben tildesý " "Juldyzben ...ý" bolyp kete beredi. Aty solaı bolsa oǵan qatysqan adam da juldyz bolyp shyqpaı ma? Gazet, jýrnaldyń ataýy da solaı. Endi júrińder olardyń t...n, s...nderin ańdyp.
"Sońǵy sózderińiz artyqtaý, aǵa! " degim kelip tilimdi tisteı qoıdym. Oǵan da jetip qalǵan ekenbiz ǵoı. Ájethananyń ishinen reportaj júrgizbesek te ózimiz oılap tapqan "juldyzdardyń" ish kıiminiń túsine deıin bilip otyratyn boldyq. Senbeısiz be? Kesheli, búgingi "juldyzdy " jańalyqtardy qaraı salyńyz. Ánebir ánshi qyzymyz áldebir ataq alyp, ulanasyr toı jasapty. Jasaı bersin -aý, endi toıdan túsken aqshany sýretke túsirip, "osynsha kórimdik aldym" dep maqtanýda . "Túk kórmegendeı" deısiń endi mundaıda . Uıat -aı! "Oıbaı ánebir ánshi tóbetine qalyńdyq izdep jatyr" dep jar saldy búgin taǵy bireý. Bizdi tóbetke qanshyq taýyp beredi deı me eken? Aǵam durys aıtady. Erteń biz sol "juldyzdardyń" ıtteriniń ylyqqanyn da kórsetip jatsaq tań qalmańyz! Óıtkeni ol da "juldyzdy" jańalyq qoı.
Arman Sqabyluly
foto ashyq ınternet kózinen
