Memleket basshysy Qasym-Jomart Toqaev elimizdiń aldaǵy damýy barysynda mańyzdy on baǵytqa asa mán beriletinin aıtty.
Solardyń biri - jastarǵa qoldaý kórsetý. Elimizde 2019 jyl Jastar jyly dep jarııalanyp, «Jastar - el tiregi» arnaıy jobasy jumys isteı bastady. Osy joba aıasynda, ásirese, óz kásibin ashqysy keletin maqsatshyl , eńbekqor jastardyń bastamalary úlken qoldaý tabýda .
Sondaı-aq, «Prezıdenttiń kadrlyq rezerviniń» qalyptastyrylýy memlekettik qyzmet salasynda talantty jastardyń ilgerilýine jol ashady.
Táýelsizdik kezinde dúnıege kelgen , azattyq rýhyn sanasyna sińirip ósken , erkin oıly jastar , rasynda , táýelsiz eldiń tiregi bolýǵa qulshynady. Bul jolda, bizge eń aldymen, laıyqty bilim alý, til úırený qajet. Men ózim jýrnalıst mamandyǵyn tańdadym . Bul mamandyqtyń ıeleri qashanda el múddesine adal, qoǵamdyq ómirde belsendi bolýǵa umtylady. Sondyqtan bul úlken jaýapkershilik ekenin jaqsy túsinemin.
Memleket basshysy: «Qazaqstan - jas ári jastardyń memleketi»,- dep , damýdyń qozǵaýshy kúshi jastar ekenin atap ótti . Biz osy senimdi aqtaýǵa bar kúshimizdi salamyz.
Týǵan eldi kórkeıtip, týǵan jerdi gúldendirý jolynda adal eńbek etip júrgen jańdardy ózimizge árdaıym úlgi tutamyz .
Atapkelova Aqbaıan,
«Turan» ýnıversıteti
Jýrnalıstıka fakýltetiniń stýdenti
