Bul týraly Shymkent qalalyq densaýlyq saqtaý basqarmasy habarlady. Sala mamandarynyń aıtýynsha, qala aýmaǵynda 1174 azamat monıtorıngtik baqylaýǵa alynǵan. Onyń ishinde: staıonarda – 826, úı karantıninde – 348.
Indetke baılanysty megapolıste 71 oshaq tirkelip, búginde onyń 7-inen karantın alynǵan. Oqshaýlanǵan núktelerge úsh júzge jýyq polıııa qyzmetkeri men 559 Ulttyq ulan sarbazy jumyldyrylǵan.
Aıta keteıik, turǵyndardyń ómiri men qaýipsizdigin, densaýlyǵyn saqtaý úshin 4 sáýirden Shymkentke karantın engizildi. Jergilikti bılik pen medıına mamandary jáne polıeıler men áskerıler kúsheıtilgen rejımde jumys isteýge kóshti.
18 blok-beket ornatylyp, jeke kólikter men azamattardyń qozǵalysyna shekteý qoıyldy. Maskalyq rejım engizilip, birqatar mekemeler men uıymdardyń qyzmeti toqtatyldy.
Azyq-túlik pen dári-dármek satatyn obektilerden ózge oryndardyń jumysy ýaqytsha shekteldi. Bilim mekemeleri qashyqtyqtan oqytýǵa kóship, bankter onlaın rejımde qyzmet kórsetýge kiristi. Qoǵamdyq kólikterdiń qyzmeti toqtatylyp, qala aýmaǵyn dezınfekııalaý jumystary kúsheıtildi
Bir sózben aıtqanda turǵyndardyń qaýipsizdigi úshin aýqymdy jumystar qolǵa alyndy.
2020 jylǵy 24 sáýirdegi jaǵdaı boıynsha Shymkentte indet juqtyrǵan 139 jaǵdaı tirkeldi.
18 naýqas aýrýynan aıyǵyp úıine shyǵaryldy. Ókinishike oraı, 4 azamat kóz jumdy. Qaıtys bolǵandardyń úsheýi Túrkistan oblysynyń, bireýi Shymkent qalasynyń turǵyny.
Shymkent
