Marǵulan Seısembaı: Sizderden basqa arqa súıer kimim bar?

2700
Adyrna.kz Telegram

Dostar, maǵan qatysty bolyp jatqan dúnıelerge shúbá kelitirip jatqandar da bar ekenin baıqap otyrmyn. Iakı bul birinshi ret bolyp jatqan nárse emes, qutylyp shyǵady degen jáne ózge de kózqarastar. Jaýap bereıin.

Birinshiden, men qutylyp shyǵýdy qalamaımyn da, qutylyp shyqpaımyn da. Men kóbisi oılap otyrǵandaı, kelisimge kelýge nemese qutylyp ketýge júgirip qulshynyp otyrǵanym joq, men tek qana organdardyń maǵan qatysty áreketteriniń bárinen jurtshylyqty habardar etip otyrmyn. Adam kelisimge kelip, kez kelgen istiń izin sýytqysy kelse, kerisinshe, tynysh otyrady. Osyny aıtpaı-aq túsinbeısiz be? Kez kelgen jemqorlyq tynyshtyqty jaqsy kóredi, al men oǵan qarsymyn, sondyqtan, men jarııalylyq pen ashyqtyqty ustanamyn.

Ekinshiden, men joramal qaýip týraly emes, quqyq qorǵaý organdarynyń is júzindegi aıqyn, tapsyryspen jasap otyrǵan áreketteri týraly jazyp otyrmyn. Men qarapaıym tergeý men tapsyryspen bolatyn bopsalaýdyń arajigin jaqsy túsinemin jáne bilemin.

Úshinshiden, meni negizsiz qorǵaýdy surap otyrǵanym joq. Men tek qana tergeý shekten shyqpasa deımin, tergeý barynsha ashyq bolǵanyn, sot (eger soǵan deıin barsa) ashyq jáne jarııaly túrde bolǵanyn qalaımyn.

Tórtinshiden, men jurtshylyqqa júginip otyrǵan sebebim – men eshqandaı da zańǵa qaıshy áreketter jasamadym, aqıqat pen moral meniń jaǵymda. Men nege úndemeı otyrýym kerek?

Besinshiden, dál osy jurtshylyq meni shekten shyǵýshylyq pen zańsyzdyqtan birneshe ret aman alyp qaldy. Arqa súıer basqa kimim bar?

Altynshydan, men túrmede otyrǵym kelmeıdi, esh kinám bolmasa nege otyrýym kerek. Sondyqtan, meni aldyn ala oılastyrylǵan sebeppen jaýapqa tartyp, túrmege otyrǵyzýy múmkin qaýip tóngen kezde men bul týraly árdaıym jazyp otyramyn.

Jáne jetinshiden, qurmetti meniń jamandyq oılaýshylarym men eshnársege senbeýshilerim, sizder men úshin kúresetin bolsańyz, men úshin emes, elde shekten shyǵýshylyq bolmaýy úshin, erteńgi kún sizdiń de bıznesińizdi týra osylaı basynbaý úshin kúresesiz. Men bıznesimdi birneshe ret joǵaltqanmyn, qajet bolsa, taǵy da joǵaltýǵa daıynmyn, biraq, men qoǵamymyz jaqsara túsýi úshin qolymnan kelgenin jasaýǵa tyrysamyn. Eger siz olaı jasaǵyńyz kelmese, meni oqymańyz, óz álemińizde ómir súre berińiz.

P.S. Múmkin siz jyldar boıy quryp, jınaqtaǵan dúnıeńizdi eshqashan joǵaltyp kórmegen bolarsyz. Sózime senińiz, jyldap jasaǵan eńbegińizdi joǵaltý óte óte aýyr jáne ol kóńil qynjyltady. Sondyqtan, ózińiz synǵa ushyramas úshin ózgeni synamańyz.

Marǵulan Seısembaıdyń áleýmettik jelidegi jazbasy

 

Pikirler