Būl turaly Şymkent qalasy jolauşylar kölıgı jäne avtomobil joldary basqarmasy qoǧamdyq kölık bölımınıŋ basşysy Nauryz Sügıräliev mälımdedı.
- Koronavirus infeksiiasynyŋ taraluyna jol bermeu üşın, tūrǧyndardyŋ ömırın jäne densaulyǧyn qorǧau maqsatynda, 2020 jylǧy 18 säuırdegı Şymkent qalasynyŋ Bas memlekettık sanitariialyq därıgerdıŋ №11 Qaulysyna säikes, 2020 jyly 19 säuırden 1 mamyrǧa deiın qalalyq qoǧamdyq kölıktıŋ jūmysy uaqytşa toqtatylady, - dedı N. Sügıräliev.
Degenmen, qalada arnaiy tırkelgen 11 taksi kompaniiasy jūmysyn jalǧastyrady. Olarda 2 adamnan artyq jolauşy aluǧa bolmaidy. Tırkelmegen taksi qyzmetıne rūqsat etılmeidı.
Qala äkımı Prezidentke
atqarylǧan jūmystardy baiandady
Memleket basşysy Qasym-Jomart Toqaev Şymkent qalasynyŋ äkımı Mūrat Äitenovpen telefon arqyly söilestı.
Talqylaudyŋ negızgı taqyryby – koronavruspen küres, qazırgı sanitarlyq-epidemiologialyq jaǧdai jäne aimaqtardaǧy karantindık şaralardyŋ oryndaluy jaiy aityldy. Memleket basşysynyŋ azamattarǧa äleumettık kömek körsetu, şaǧyn jäne orta biznestıŋ kezeŋ-kezeŋmen ıske qosu, köktemgı dala jūmystary men jūmyspen qamtudyŋ jol kartasyn ıske asyru turaly tapsyrmalarynyŋ oryndaluy söz boldy. Atalǧan mäsele boiynşa Şymkent qalasynyŋ äkımı Prezidentke qazırgı jaǧdaidy baianadady.
Mūrat Düisenbekūly Memleket basşysyna elımızde tötenşe jaǧdai jariialanǧan sätten bastap, bırınşı kezekte milliondy qala aumaǧyna 18 sanitarlyq būǧattau beketı qoiylǧanyn atap öttı. Ol jerlerde qūzyrly organ ökılderınen jasaqtalǧan toptar täulık boiy üş auysymda jūmys ıstep jatqanyn, alǧy şeptegı qyzmetkerler qajettı medisisnalyq kiımdermen tolyq qamtylǧanyn jetkızdı.
Eldegı qalyptasqan jaǧdaiǧa bailanysty 4 säuırden bastap qala aumaǧynda karantin jariialanyp, barlyq saqtyq şaralary küşeitılgen.
Şymkent
