Qazaqstannyń Syrtqy ister mınıstrligi Reseı Syrtqy ister mınıstrliginiń resmı ókili Zaharovanyń Ýkraınanyń Qazaqstandaǵy elshisine qatysty málimdemesine túsinikteme berdi, dep habarlaıdy “Adyrna” ulttyq portaly.
«Onyń málimdemesiniń úni, bizdiń oıymyzsha, Qazaqstan men Reseıdiń teń quqyly strategııalyq áriptester retindegi odaqtastyq qarym-qatynastarynyń sıpatyna sáıkes kelmeıtinin atap ótkim keledi», - dedi QR SIM baspasóz hatshysy Aıbek Smadııarov.
Sondaı-aq, Reseı elshisi Alekseı Borodavkın Qazaqstan Syrtqy ister mınıstrligine áńgimelesý úshin shaqyryldy
Eske salaıyq, Buǵan deıin Qazaqstannyń Reseıdegi elshisi Ermek Kósherbaev Reseı Syrtqy ister mınıstrligine shaqyrylyp, oǵan Qazaqstan tarapy eshýaqytta shyǵaryp jibermegen Ýkraınanyń respýblıkadaǵy elshisi Petr Vrýblevskııge qatysty jaǵdaıdy qabyldaýǵa bolmaıtynyn aıtqan bolatyn.
Bul týraly Reseı dıplomatııalyq mıssııasynyń resmı ókili Marııa Zaharovanyń túsiniktemesinde de aıtylǵan.
