Qurmetti dostar!!!
Ardaqty aǵaıyn!!!
Bir jyldan beri ár óńirde "Aqjúnis" erikti Analar uıymy jumys istep júrmiz. Qalaı quryldyq, qandaı maqsatta quryldyq - kóziqaraqty oqyrman habardar.
Keı adamdar: "Analar suraı bermeı, tirshilik qylmaı ma?" deıdi...
Nán bastaǵan bıliktegiler analardy "masyldar" dedi. (Ózderiniń aramtamaq urylar ekenin umytyp ketedi..🤗)
Eń aldymen, jumyssyzdyq jaılaǵan qoǵamda ómir súrip jatqanymyzdy umytpaıyq... óndiris joq, aýyl sharýashylyǵy joq, bıznes ekiniń biri alyp ketetin dúnıe emes... Adamdar, ásirese sol sizder "masyl" deıtin analar 90-shy jyldary ala dorba aoqalap, búkil qoǵamdy daǵdarystan alyp shyqty... esesine kóbi densaýlyǵyn joǵaltty, otbasyn joǵaltty... Boıyndaǵy qudaı bergen qabiletin "monetızaııa" jasaýǵa ol kisiler daıyn bolmaı qaldy, búgin de daıyn emes... Tek azǵantaı bólshegi ǵana boıyndaǵy darynyn "aqshaǵa" aınaldyra bilgenderi ǵana, shaǵyn bıznesin dóńgeletip áketkeni bolmasa, halyqtyń basym bóligi dalada qalǵandar.
Muny moıyndaıyq.
"Analar suraı bermeı, tirshilik qylmaı ma?" deısizder...
Búgingi kúnde tirshiligi barlardyń ózi tirshilik qyla almaı, úıge qamalyp otyr ǵoı...
Suraǵandy, suraǵandardy men de quptamaımyn.
Alaıda, óz nesibemnen bas tartpaımyn. "Bergenniń qolynan, bermegenniń jolynan" demekshi... qazaq jerinde qazaq bop týǵanym úshin osy jerdiń baılyǵynan Meniń de qudaı bergen nesibem bar, Sizdiń de, Onyń da nesibesi bar dep esepteımin.
"Tirshilik qylmaı ma?" dep aqyl aıtý ońaı. Aty bar, zaty bar, saýaty bar, 20 jyldyq tájirıbesi bar, eki dıplomy bar meniń ózimdi bul júıe "bort syrtyna" laqtyryp tastaǵan... meni qoıshy... ol basqa gáp...😊
4-7-10 balaly analarǵa tirshilik qyl dep aıta almaısyz, olardyń tirshiligi de, bar jumysy da sol balalardyń tamaǵyn daıyndap, kirin jýyp, birin balabaqshaǵa, birin mektepke daıyndaýmen ótedi. Olardyń memleketke qosqan úlesi - demografııany kótergeni. Sol úshin alǵys aıtýymyz kerek. Sol úshin olarǵa úkimet te, biz de kómektesýimiz kerek...
Al múgedek analarǵa, múgedek bala baǵyp otyrǵan analarǵa, birneshe balamen jesir qalǵan, páter jaldap turatyn analarǵa qandaı tirshilik qyl deısiz?..
Árıne, shamasy kelgenshe bári tirshilik qylýǵa tyrysady, biri eden jýady, biri kafede ydys jýady t.b. Sol tirshilikteri de toqtap, kıslorodsyz qalyp otyrǵandar qanshama! Olar túgil, bizdiń ózimizdiń jumysymyz toqtady... turaqty jumysy, turaqty tabysy bolǵandardyń áıteýir, azyn-aýlaq jıǵan qory bar, basynda baspanasy bar degendeı... sondyqtan aqyldy da oılanyp aıtý kerek sııaqty... Kómektese alasyz ba, kómektesińiz. Kómektese almaısyz ba, tabalamańyz. Qaı qazaq qaıyrshy bolaıyn dep boldy deısiz. Báriniń basynda jumyssyzdyq, kúızelis, urys-janjal... Ras, qazaq qaıyr suraýǵa namystanatyn.... búginde kóshede alaqan jaıyp qaıyr suraıtyn, araq iship bomj bolatyn halge jetti.... kim kináli?... ne kináli?... Birinshi - júıe, ekinshi - árıne, ózderi... Alaıda adamnyń bárin qudaı birdeı ǵyp jaratpaǵan ǵoı... bárine birdeı sana-sezim, bárine birdeı aqyl-parasat, bárine birdeı kúsh-jiger, bárine birdeı barmaqtaı baq bermeıdi... árqaısysymyzdyń ómirden alar enshimiz árqalaı... qudaıdyń bergenine qaraı...
Al kópbalaly otbasylarǵa, jetim-jesirlerge kómektesý kerek... "Jetimin jylatpaǵan el edik" deımiz ǵoı.... Men bir nársege qarsymyn: balalardyń aýzyna sóz salyp, olardy "suraýǵa" úıretpeý kerek, "suranshaqtyq" psıhologııasynyń uryǵyn seppeý kerek, kerisinshe, balanyń boıyndaǵy namysty qaıraý kerek... buǵan ata-ana jaýapty...
Bizdiń "Aqjúnis" analar chattarynda Analarǵa "qaıyr" suraýdy aıtyp úıretetin sııaqty jıyrylatyndar bar.
Joq. Birinshi kúnnen bastap biz óz chattarymyzda myńdaǵan analardyń az-maz saýatyn ashýǵa, óz quqyǵyn qorǵaýǵa, azamattyq kózqarasyn ashyq aıta bilýge, sonymen birge mádenıettilikke, quqyqtyq saýattylyqqa, qarjylyq saýattylyqqa jetelep, úıretýge tyrystyq. Búginde ár oblys, aýdan boıynsha ondaǵan chattarda otyrǵan júzdegen Aqjúnis analar sol baǵytta ózderin qalyptastyryp keledi. Azamattyq pozıııasyn bildiretin jerde bildiredi, aıtatyn jerde aıtady, jazatyn jerde jazady, talap etetin jerde - talap etedi.
Keıde jelilerden keıbir Analardyń, Áıelderdiń beıberketsizdigin, shaıpaý minezderin, qoǵamdyq oryndardaǵy turpaıy minezderin kórgende, jaǵamyzdy ustaımyz...
Kópshilik Analarǵa sál de bolsa, sózim ótedi ǵoı dep, búgin Aqjúnis analar chatyndaǵy analarǵa da, basqa chattardaǵy analarǵa da, osyndaǵy keıbir analarǵa da, - byltyr jıi aıtatyn sózimizdi bıyl taǵy bir qaıtalaýǵa týra keldi...
Birinshi kezekte boıymyzdaǵy qazaq qyzyna tán, qazaq áıeline tán namysymyzdy, ar-uıatymyzdy, jigerimizdi joǵaltpaıyq. Jaǵdaıymyzdy aıtsaq ta, jurtqa jarııalamaı, jekege aıtýǵa tyrysaıyq.
Ekinshi: balalaryńyzdy "suratyp" vıdeoǵa túsirmeńizder... tipti, ózderińiz de bireýden kómek suraýǵa májbúr bolsańyzdar, barynsha balalarǵa bildirmeı, kórsetpeı suraýǵa tyrysyńyzdar, kómekti aparyp bergende de, barynsha balalarǵa bildirmeýge tyrysyńyzdar. Kishkentaılar "apa, kim berdi, qaıdan aldyń?" dep surasa, "balańa pisirip ber dep, qudaı berdi" deńiz...🤔 eresekterge "atań berip jiberipti, apań berip jiberipti senderge" deı salyńyz....Balaǵa paıdaly, ózińizge zııansyz ótirik aıtýǵa bolady...🤗
Qysqasy, aıtqym kelgen nárse - balanyń boıyndaǵy namysy ólmesin, óz qylyqtaryńyzben balańyzdyń boıyndaǵy sol eń qundy qasıetti óltirmeńizder. Olardyń boıynda "Suranshaqtaný" psıhologııasyn qalyptastyrmaıyq. Balany jylatyp, balanyń aýzyna sóz salyp "suratyp" vıdeo túsirmeńizder. Ótinemin!!!..
Árıne, tómen turmysvńyzdy kórsetip, balalaryńyzdyń oınap júrgen vıdeosyn túsirip joldaýǵa bolady...
Zaman bulaı tura bermes. Ózgerer. Olardyń bolashaǵyn oılaıyq. Namysshyl, eńbekqor etip ósireıik.
Aıtqym kelgeni osy. Árqaısysyńyz ózderińiz tarazylap, saraptarsyzdar.
Qate aıtsam, óz sózim ózimdiki...
Sáýle Ábildahanqyzy
