BQO ákiminen de, "Nur Otannan" da paıda bolmady

2564

Redakııamyzǵa hat keldi. Ár hattyń artynda adam taǵdyry turǵanyn túsinsek, bul hattyń da arqalaǵan júgi aýyr eken. Avtorlardyń aıtýynsha koronovırýsqa baılanysty Germanııadaǵy jumystarynan elge oralǵanda Oraldaǵy áýejaıdan túsirip alyp, karantınge jatqyzypty. Qazir barar jer, basar taýymyz joq dep otyr. Sondyqtan, bılikten kómek bolmasa, halyqtan kómek bolar dep aryz hatty jarııalaǵandy jón dep taptyq.

"Adyrna" ulttyq portaly

Men  Bazarbaeva Maral jáne Seıtjanova Aqerke 18 naýryz kúni “Air-Astana” ushaǵymen “Frankfýrt-Ýralsk”, “ Ýralsk – Nur-sultan”, “Nur-sultan – Almaty” baǵytynda elge oralyp, óz úıimizge jetý kerek bolǵanbyz. Alaıda, Oral qalasyna jetkende  elimizdegi tótenshe jaǵdaıǵa baılanysty 50-ge jýyq memlekettik qyzmetkerler (dárigerler, polıııa,áýe jelisiniń qyzmetkerleri t.b) kútip alyp, bizdi reısten qaldyryp, karantınge jatqyzdy.  Arnaıy ortalyqqa ornalastyrar sátte bekitilgen merzimge deıin bılet aqysy qaıtarylatynyn aıtty. Sondaı-aq, tirkelgen meken-jaı boıynsha úıimizge jetkizýge ýáde berdi.

Degenmen, jaǵadaı biz kútkendeı bola qoımady. Medıınalyq tekserý ýaqytyly júrgizilmedi. Koronovırýsqa baılanysty anyqtama ortalyǵy (1406), Oblystyq týbdıspanerdiń bas dárigeri Imanǵalıev M.B.myrzalarǵa habarlasyp júrip tekseristen óttik. Analız nátejıesiniń ózin basshylyqqa qaıta-qaıta habarlasyp júrip, onynshy kúni áreń aldyq. Al, búgin (13-shi kúni) anyqtama qaǵazyn berip, mekemeni bosatýymyzdy talap etip  otyr. Sebebin adam sanynyń kóptigimen ǵana túsindirýde. Sońǵy aqshamyzǵa ushaqqa bılet alyp kelgen bizder qaıda bararymyzdy da bilmeımiz.

Óz jaǵdaıymyz ózimizge málim bolǵasyn ortalyqqa ornalasqan alǵashqy kúnnen bastap qala basshylyǵymen, Nur Otan partııasynyń jaýapty qyzmetkerlerimen, bılet aqysyn qaıtarýdy ýáde etken  “Air-Astana” áýe jelisimen, BQO, Almaty jáne Nur-sultan qalalarynyń arnaıy shtab ókilderimen habarlasyp baǵýdamyz. Sonda da mardymdy jaýap alyp otyrǵanymyz shamaly. Alǵash bolyp Oral qalalyq Nur Otan partııasy basshynyń orynbasary  Gúlnaz Maǵjanqyzymen baılanysqa shyqtyq. Ol kisiniń alǵashqy jaýaby “bul jaǵdaıdy nazardan tys qaldyrmaımyz, mindetti túrde máseleniń sheshimin tabýǵa kómek qolyn sozamyz” –dep úmit bergendeı edi... Artynan ákimniń orynbasarynan “biz eshteńemen kómektese almaımyz”, oblys ákiminen “biz kómektese almaımyz, óz máselelerin ózderi sheshsin” – degen jaýap alǵanyn jetkizdi. Bul jaýap endi paıda bolǵan úmit ushqynyn qaıta sóndirdi. #bizbirgemiz #uidebol dep tórtkil dúnıege jar salyp otyrǵan heshtegter ótirik betperde bolǵany ma?

Kelesi kezekte BQO tótenshe jaǵdaıǵa baılanysty qurylǵan arnaıy shtabqa habarlastyq. Bizge jaýap bergen Aslan esimdi jigit “suraqty qarastyryp, qaıta habarlasamyn” – dep tutqany qoıǵanymen, az ýaqyttan soń “bizde bul suraqqa jaýap qarastyrylmaǵan, týysqandaryńyz aqshalaı kómektessin, kartochkalaryńyzǵa aýdaryp jınaǵan aqshamen karantın bitkenshe osynda páter jaldap turyńyzdar, qala ashylǵan soń qalaı, qaıda baratyndaryńyzdy ózderińiz bilesizder” dep dúrse qoıa berdi. Karantınge baılanysty jumystardyń bári toqtatyldy, bul jaǵdaı kelesi aıǵa deıin jalǵassa aqshany qaıdan alamyz dep otyrǵan týǵan-týys bizge qalaı kómek beredi? Bir ret kómektesti delik, onyń ózi qansha kúnge jetedi?

Al, búgin mekemeni bosatýdy suraǵan karantın ortalyǵynyń basshylyǵyna jaǵdaıdy qansha túsindirsek te “biz bilmeımiz, qaıda barasyzdar, ol sizderdiń máselelerińiz” – dep, jaýapkershilikten qashyp otyr. Amalymyzdyń joqtyǵynan KTK arnasynyń tilshilerimen baılanysqa shyqtyq. Jaýapty mekeme basshysyna osyny jetkizip, “eger bizdi qýyp shyǵatyn bolsańyzdar,arna tilshilerine mán-jaıdy baıandaýǵa májbúrmiz” degennen keıin ǵana “jaqsy, biz sizderdi estidik, qala basshylyǵymen habarlasyp máseleni sheshýge tyrysamyz” degen jaýapqa qol jetkizdik. Kóp uzamaı turatyn páter tabyldy, degenmen “alaıdasy” bar. Kún-kóris, azyq-túlik ózimizden bolý kerek eken. Bul jaǵdaıdyń qansha ýaqytqa sozylary belgisiz. Bóten qalada, jumyssyz bizdiń qaltamyzdaǵy tıyn qansha kúnge jetetinin oılaý tipti qorqynyshty. Sodan túıgenimiz, qarapaıym halyqtyń jaǵdaı ne bolary mańyzdy emes, kógildir ekrannan kóriner abyroı ǵana mańyzǵa ıe eken ǵoı shendiler úshin... bul bizdiń ǵana emes, dál qazirgi ýaqytta myńdaǵan otandasymyzdyń arpalysyp otyrǵan máselesi. Ókinishtisi de sol, sheshimi tabyla qoıýy kóp núktege jasyrýly qupııa...

Pikirler
Redakııa tańdaýy