Osydan tura 118 jyl būryn, 1902 jyly Soltüstık Qazaqstan oblysynyŋ Jambyl audanynda qazaqtyŋ äigılı jazuşysy, qoǧam jäne memleket qairatkerı, Qazaq KSR Ǧylym akademiiasynyŋ akademigı, ädebi synşy, audarmaşy, Sosialistık Eŋbek Erı, Qazaqstannyŋ halyq jazuşysy, Qazaq KSR Ǧylym akademiiasynyŋ Abai atyndaǧy jäne Ş.Uälihanov atyndaǧy memlekettık syilyqtarynyŋ laureaty Ǧabit Mahmūtūly MÜSIREPOV düniege keldı.
Alǧaşqyda auyl moldasynan arabşa hat tanyǧan. Ǧabit jastaiynan äuelı ekı jyldyq auyldyq orys mektebınde, keiın tört jyldyq joǧary basqyş orys mektebın bıtırgen. Qazaq töŋkerısınen keiın üstemdık alǧan Keŋes ökımetınıŋ jūmysyna äjepteuır orysşa sauaty bar adam retınde aralasyp, türlı qyzmet atqarǧan. Orys mektebınde jürgende orystyŋ ataqty aqyn jazuşylarynyŋ şyǧarmalaryn oqyp bıluı, auyl mektebınde özın oqytqan ädebietşı mūǧalım Beket Ötetıleuovtyŋ äser yqpaly bolaşaq jazuşynyŋ ädebietke erekşe yqylas audaruyna septıgın tigızedı.
1923-26 jyldary Orynbor qalasyndaǧy jūmysşy fakultetıne (rabfak) oquǧa tüsıp, ony bıtırısımen Ombydaǧy auyl şaruaşylyq institutynda oqyǧan. 1927-1928 jyldary - Burabai orman şaruaşylyǧy tehnikumynda oqytuşy, 1928-1933 jyldary Qazaq memlekettık baspasynyŋ bas redaktory, 1934-1938 jyldary «Sosialistık Qazaqstan» (Egemen Qazaqstan) gazetınıŋ redaktory, Qazaq AKSR Halyq aǧartu komissariaty öner sektorynyŋ meŋgeruşısı, Qazaq ölkelık komitetınıŋ baspasöz bölımınıŋ meŋgeruşısı, Qazaqstan Kompartiiasy saiasi-aǧartu bölımınıŋ meŋgeruşısı qyzmetterın atqardy.
1938-1955 jyldary bıryŋǧai şyǧarmaşylyq jūmystarmen ainalysqan.
1956-1957 jyldary - «Ara» - «Şmel» jurnalynyŋ bas redaktory, 1957-1985 jyldary Qazaqstan Jazuşylar odaǧy basqarmasynyŋ bırınşı hatşysy, KSRO Jazuşylar odaǧy basqarmasynyŋ hatşysy qyzmetterın atqarǧan. 1958 jyldan KSRO Ministrler Keŋesı janyndaǧy ädebiet, öner jäne säulet salalary boiynşa Lenindık jäne Memlekettık syilyqtary jönındegı komitettıŋ müşesı bolǧan. Ǧ.Müsırepovtıŋ tūŋǧyş povesterınıŋ qataryna «Tulaǧan tolqynda» men «Amerikan bidaiyǧy» şyǧarmalary jatady. Jas jazuşynyŋ bolaşaǧynan ümıt küttırgen būl tuyndylar azamattyq taqyrypty tolǧaidy. Ǧ.Müsırepov äŋgıme janrynyŋ örkendeuıne ülken üles qosty.
Alǧaşqy şyǧarmalarynan-aq jazuşylyq şeberlıgımen tanylǧan. Ǧ.Müsırepov - körnektı qoǧam, memleket qairatkerı. 1932 jyly şılde aiynda ol respublikaǧa tanymal adamdarmen bırlese otyryp, halyqtyŋ basyna töngen aştyq näubetı jaiynda BKP(b) qazaq ölkelık komitetıne «Beseudıŋ hatyn» joldaǧan. Ǧabit Müsırepov özınıŋ qoǧamdyq, publisistık, jurnalistık, synşyldyq qyzmetımen de tuǧan halqynyŋ mädenietınıŋ damuyna zor eŋbek sıŋırdı. Alaida qazaq halqy ony ülken suretker jazuşy dep tanidy, körkem sözdıŋ has şeberı dep bıledı, qūrmet tūtady. Ol bırneşe märte Qazaq KSR Joǧarǧy Keŋesınıŋ, bır ret KSRO Joǧarǧy Keŋesınıŋ deputaty jäne Qazaq KSR Joǧarǧy Keŋesınıŋ töraǧasy bolyp sailanǧan.
Üş märte Lenin ordenımen jäne ekı märte Eŋbek Qyzyl Tu ordenımen, Oktiabr Revoliusiiasy ordenımen jäne köptegen medaldarmen marapattalǧan. Qazaq memlekettık balalar men jasöspırımder teatryna jazuşynyŋ esımı berılgen.
Qazaq ädebietı tarihynda öşpestei ız qaldyrǧan tūlǧa 1985 jyly Almaty qalasynda qaitys boldy.
https://youtu.be/yM5DxJPjqpg
Ūqsas jaŋalyqtar
