Áleýmettik jeliler men túrli toptarda osy kúnderi dalada nemese basqa da kópshilik jınalatyn oryndarda júrgen balalardyń ata-analary jaýapkershilikke tartylatyny týraly habarlama taratylyp jatyr. Qalalyq bilim basqarmasy bul aqparatqa qatysty túsinikteme berdi, dep habarlaıdy Elorda Info.
«Qaýipsizdik sharalaryna baılanysty erteńnen bastap mektepterde túrli sharalar ótkiziledi. Eger osy ýaqyt aralyǵynda oqýshy qosymsha sabaqtar men úıirmelerge qatysý úshin mektepke kelse bilim ordasynyń basshylyǵy jaýapkershilikke tartylady. Eger balalar dúkende, avtobýstarda nemese dalada júrse onyń ata-anasyna aıyppul salynady! Bul habarlamany ata-analar chatyna jedel túrde taratyńyzdar», delingen aqparat tarap jatyr.
Nur-Sultan qalasynyń Bilim basqarmasy bul habar shyndyqqa janaspaıtynyn jáne qajetti aqparattar memlekettik organnyń resmı paraqshalarynda jarııalanatynyn aıtty.
