1 jeltoqsannan bastap qysqy shınalarsyz júrgen júrgizýshilerge aıyppul salynady, dep habarlaıdy "Adyrna" ulttyq portaly Ulys medıaǵa siltep.
Qazaqstanda kúntizbelik qystyń bastalýymen barlyq kólik ıelerine kólikteriniń dóńgelekterin qysqy shınaǵa aýystyrý mindetteledi. Bul talapty oryndamaǵandarǵa ákimshilik jaýapkershilik qarastyrylǵan.
Almaty qalalyq IID ákimshilik polıııa basqarmasynyń basshysy Ashat Qulbaevtyń aıtýynsha, jeltoqsan, qańtar, aqpan aılarynda qysqy shınalarsyz kólik júrgizýge tyıym salynady.
Eger 1 jeltoqsannan keıin kólikke qysqy shınalar qoıylmasa, 5 aılyq eseptik kórsetkish (18,4 myń teńge) kóleminde aıyppul salynady.
Eger bul ereje qaıta buzylsa, aıyppul mólsheri 20 AEK-ke (73,8 myń teńge) deıin ósedi.
QR Ákimshilik quqyq buzýshylyq týraly kodeksiniń 590-babynyń 5-tarmaǵyna sáıkes, tehnıkalyq reglamentter men ulttyq standarttarǵa sáıkes kelmeıtin kólik quralyn basqarý aıyppul salýǵa negiz bolady.
