ŞQO-da balalarǧa arnalǧan oiynşyq tauarlarǧa monitoring jasalyp, ışınen qauıptı zattar tabyldy, dep habarlaidy "Adyrna" ūlttyq portaly.
Arnapress.kz aqparatyna süiensek, sanitarlyq-epidemiologiialyq baqylau departamentı 3 myŋnan astam synama aldy. Sonyŋ ışınde azyq-tülık önımderı men halyq jiı alatyn tauarlar bar. Tekserıs kezınde importerler men tauar öndıruşılerge 2 377 355 teŋge kölemınde aiyppūl salyndy. 166,2 kelıge tartatyn qauıptı önımder tärkılendı.
Talapqa sai kelmeitın tauarlar az emes bolyp şyqty. Önım öndıruşıler köp jaǧdaida tauarǧa qatysty tolyq aqparat (saqtau merzımı, öndıruşınıŋ atauy men mekenjaiy, şyǧarylǧan künı, saqtau uaqyty, salmaǧy, energetikalyq qūndylyǧy, memlekettık tıldegı aqparat, EAEO memleketterıne ortaq belgı men Mebiusty) jazbaidy.
Al balalarǧa arnalǧan oiynşyqtardyŋ qūramynda uly zattar anyqtaldy.
"Zerthanada balalarǧa arnalǧan oiynşyqtarǧa da taldau jasaldy. Sol kezde taŋbalaudan bölek qūramynda fenol men formaldegid siiaqty qauıptı zattardyŋ tiıstı normadan bır-bır jarym esege köp bolyp şyqty. Odan balalar ulanuy mümkın", - deidı sanitar mamandar.Sonyŋ ışınde "Pakettegı maşina" (Qytai), "BTG-029 maşinasy" (öndıruşı - Baby toys garden, Özbekstan,), "Quyrşaqtar ydysy" (öndıruşı -Polimer Plastic, Özbekstan), identifikasiia boiynşa "Ydystar jiyntyǧy" (Özbekstan, öndıruşı kompaniia körsetılmegen) jäne taǧy basqa tauarlar bar. Būdan bölek, merzımı ötıp ketken oiynşyqtar bar. Sonyŋ bırı - Donqshenq toys quyrşaǧy (Qytai). Taǧy ekı oiynşyqta öndıruşınıŋ atauy jazylmaǧan. Al "Barbi" quyrşaǧy men syldyrmaq tiıstı talaptarǧa sai kelmeidı. Sebebı ötkır şetterı men kertıkterı bar. Balalarǧa jaraqat alyp qaluy mümkın.
"Adyrna" ūlttyq portaly
Ūqsas jaŋalyqtar
