ShQO-da balalarǵa arnalǵan oıynshyq taýarlarǵa monıtorıng jasalyp, ishinen qaýipti zattar tabyldy, dep habarlaıdy "Adyrna" ulttyq portaly.
Arnapress.kz aqparatyna súıensek, sanıtarlyq-epıdemıologııalyq baqylaý departamenti 3 myńnan astam synama aldy. Sonyń ishinde azyq-túlik ónimderi men halyq jıi alatyn taýarlar bar. Tekseris kezinde ımporterler men taýar óndirýshilerge 2 377 355 teńge kóleminde aıyppul salyndy. 166,2 kelige tartatyn qaýipti ónimder tárkilendi.
Talapqa saı kelmeıtin taýarlar az emes bolyp shyqty. Ónim óndirýshiler kóp jaǵdaıda taýarǵa qatysty tolyq aqparat (saqtaý merzimi, óndirýshiniń ataýy men mekenjaıy, shyǵarylǵan kúni, saqtaý ýaqyty, salmaǵy, energetıkalyq qundylyǵy, memlekettik tildegi aqparat, EAEO memleketterine ortaq belgi men Mebıýsty) jazbaıdy.
Al balalarǵa arnalǵan oıynshyqtardyń quramynda ýly zattar anyqtaldy.
"Zerthanada balalarǵa arnalǵan oıynshyqtarǵa da taldaý jasaldy. Sol kezde tańbalaýdan bólek quramynda fenol men formaldegıd sııaqty qaýipti zattardyń tıisti normadan bir-bir jarym esege kóp bolyp shyqty. Odan balalar ýlanýy múmkin", - deıdi sanıtar mamandar.
Sonyń ishinde "Pakettegi mashına" (Qytaı), "BTG-029 mashınasy" (óndirýshi - Baby toys garden, Ózbekstan,), "Qýyrshaqtar ydysy" (óndirýshi -Polimer Plastic, Ózbekstan), ıdentıfıkaııa boıynsha "Ydystar jıyntyǵy" (Ózbekstan, óndirýshi kompanııa kórsetilmegen) jáne taǵy basqa taýarlar bar.
Budan bólek, merzimi ótip ketken oıynshyqtar bar. Sonyń biri - Donqshenq toys qýyrshaǵy (Qytaı). Taǵy eki oıynshyqta óndirýshiniń ataýy jazylmaǵan.
Al "Barbı" qýyrshaǵy men syldyrmaq tıisti talaptarǵa saı kelmeıdi. Sebebi ótkir shetteri men kertikteri bar. Balalarǵa jaraqat alyp qalýy múmkin.
"Adyrna" ulttyq portaly
