Májilistiń eks-spıkeri Nurlan Nyǵmatýllınniń uldary qadaǵalaıtyn «Qazfosfat» zaýytynda óreskel zańbuzýshylyqtar anyqtaldy. Bul týraly Ekologııa departamenti málimdedi, dep habarlaıdy “Adyrna” ulttyq portaly.
Kásiporyn jumysyna jospardan tys tekserý júrgizgen Ekologııa departamentiniń mamandary kompanııaǵa 5 mıllıon teńge aıyppul saldy.
Buǵan deıin oblys ortalyǵyn belgisiz tútin basyp, turǵyndardyń tynysyn taryltqany jaıly otandyq BAQ jazǵan bolatyn. Keıin anyqtalǵandaı, «Mıneraldy tyńaıtqyshtar» zaýytyndaǵy kúkirt qyshqylyn óndiretin ehta apat bolyp, sonyń saldarynan aýaǵa kúkirt trıoksıdi taraǵan. Ekologtar prokýrorlarmen birlesip, aýa synamalaryn zertteýden ótkizipti. Apat kesirinen zaýyt mańyndaǵy Y.Súleımenov kóshesi boıyndaǵy sanıtarlyq qorǵaý aımaǵynda ftorly sýteginiń mólsheri qalypty deńgeıden 7,5 ese artqany anyqtaldy.
«Tekserý barysynda ekologııalyq zańnamany buzýdyń 5 faktisi anyqtaldy. Ekologııalyq kodekstiń talaptary saqtalmaǵan. Zańbuzýshylyqtardy joıý týraly nusqama berildi. Kásiporynǵa salynǵan ákimshilik aıyppuldardyń kólemi — 5 mln teńge», — delingen Ekologııa departamenti taratqan habarlamada.
Berilgen nusqamalardyń oryndalýy boıynsha 2022 jyldyń ekinshi jartyjyldyǵynda kásiporynda jospardan tys tekserý júrgiziledi.
Budan buryn Ekologııa departamenti Taraz mańyndaǵy hımııa zaýytynyń jumysy toqtatylýy múmkin ekenin málimdegen. Keıinnen kompanııa basshylyǵy zańsyz paıda tapty degen kúdikke ilindi. Bas prokýratýra «Qazfosfatty» 697 mln teńge kóleminde monopolııalyq tabys tapty dep aıyptap, tergeý bastalǵanyn jarııalaǵan edi.
”Adyrna” ulttyq portaly
