KORONA VIRÝSTAN da qutylarmyz, KOROVA VIRÝSTY qaıtemiz?

2888
Adyrna.kz Telegram

"Sıyr sıpaǵandy bilmeıdi" - degen atam qazaq. Bizdiń keıbir sheneýnik, shendiler syılaǵandy bilmeıdi. Toıyp alyp, kúıis qaıtaryp jatsa boldy. Óziniń kreslosy halyqqa qyzmet etý úshin ekenin bilmeıdi-aý solar. Eldiń qamyn oılaǵan bop, halyqtyń qamyn jegen bop kóriný, kólgirsý, keıde kósemsý báriniń bet perdesi ǵana. Keıbirinde ol da joq. Jap-jas bolyp, "laýazymyma bas ur" - degendi sazbettengen túrimen kórsetip, bet-júzi búlk etpeı bezerip otyrady. Áıteýir kúıis qaıyrsa boldy. Ózi komandasyna kirgen bastyǵy aman bolsa boldy. Sonyń artyn ıiskep, sıyr sııaqty shalshyqqa da, balshyqqa da emirene muryn tyǵyp, óz naýasyndaǵy shópten buryn ózgeniń ágárodyna bas suǵyp, sonyń bir ýys bolsa da shóbinen tarta jemeı úıine qaıtpaıdy. Sıyr borsyǵan sý bolsa da bir ıiskemeı ótpeıdi. Bular da solaı, tumsyq tyqpaıtyn jeri joq. Ónerden bir shókim habary joq bolsa da ónerpazǵa óktem sóıleıdi.
Bir dókeımen qatar tur edim, aınalasy soǵan qol qýsyryp, ótirik kúlip, ol bolsa jarty álemdi ózi bılep tur edi, janymyzdan ótip bara jatqan bir top jas meni kórip shýlaı amandasyp, sýretke túsip, máz bop ketti. Olar dókeıdi tanymady, moıyn da burǵan joq. Dókeıim surlanyp, menimen qoshtaspaı, kóligine minip ketip qaldy...
Intellıgenttik degennen qazirgi sheneýniktiń kóbinde tek kástóm-shalbar ǵana. Mádenıet, ádep, parasat múlde joq! Sol korova vırýsqa men moısunýym kerek pe? Atańnyń basy! Kúıisińdi qaıtaryp, bir yńq etip al da jata ber. Asqar Toqpanovshalap aıtqanda : "Artym kórsin senderdi!"

Ýot ták!

 

Asqar Naımantaev

Pikirler