El óńirlerinde otandyq kınony ilgeri letý jumystary jalǵasýda. Bul – mańyzdy mindet, onyń oryndalýy qazaqstandyq kınematografııany jańa deńgeıge kóterýge múmkindik beredi, ári árbir fılmge óz kórermenin tabýǵa septesedi.
Memleket basshysy Qasym-Jomart Toqaev Ulttyq quryltaıdyń tórtinshi otyrysynda kıno ındýstrııanyń damýyn erekshe atap ótken bolatyn.
4 sáýirde Soltústik Qazaqstan oblysynda qazaq kınosynyń kúnderi bastaldy. Basty maqsat – kópshilikti daryndy jerles rejısserlermen jáne olardyń kartınalarymen tanystyrý. Dál osy fılmder el mádenıetin ashyp kórsetedi. Kóptegen kartınalar memleket tarıhyndaǵy negizgi kezeńderdi baıandap, kórnekti qoǵam qaıratkerleriniń ómiri men qyzmetin tanystyrady.
«Qazirgi ýaqytta Mádenıet jáne aqparat mınıstri Aıda Ǵalymqyzy Balaeva otandyq kınony damytýǵa erekshe kóńil bólýde. Biz Ortalyqtyń qoldaýymen túsirilgen barlyq jobanyń kórermenge jetýin qalaımyz. Oblys ortalyǵynda ǵana emes, aýdandarda, aýyldarda da bul baǵyttaǵy jumysty turaqty negizde júrgizetin bolamyz», – dedi Ulttyq kınony qoldaý memlekettik ortalyǵy KEAQ Basqarma tóraǵasy Qurmanbek Jumaǵalı.
Sonymen qatar Ulttyq kınony qoldaý ortalyǵy respýblıkalyq qana emes, óńirlik telearnalarmen de belsendi áriptestik ornatqan. Soltústik Qazaqstan telearnalarynda otandyq fılmder úzbeı kórsetilip júr. Qazaq kınosynyń on kúndigi aıasynda «Qyzyljar Creative Center» ortalyǵynda «Pervyı Severnyı» telearnasymen yntymaqtastyq memorandýmyna da qol qoıyldy.
Otandyq kıno on kúndiginiń birinshi kúni kórermenderge rejısser Serikbol Ótepbergenovtyń «Patrıottar ýaqyty» fılmi kórsetildi. Bul – terrorızmge qarsy kúres pen otbasylyq qundylyqtar týraly ekshn-fılm. Kınokartınanyń sıýjeti eki aǵaıyndy arasynda órbıdi. Úlkeni barlaý qyzmetinde, al kishisi joıǵysh ushqysh bolyp qyzmet etedi. Olardyń ákesi shaıqasta qaza tapqan. Ony eske alý jáne áskerdegi qyzmet – aǵaıyndylardy biriktiretin jalǵyz dúnıe.
«Mundaǵy moral – biz ultqa, dinge bólinbesten judyryqtaı jumylýymyz kerek. Bul fılmdi túsirý úshin bizge bir jyl qajet boldy. Kompıýterlik grafıka kóp ýaqyt talap etti. Bul – uzaq proess, biraq sonyń arqasynda fılm anaǵurlym áserli boldy», – dedi rejısser Serikbol Ótepbergenov.
On kúndiktiń ashylý saltanatyna SQO ákimi apparatynyń basshysy Rýslan Álishev qatysty. Ol óńir ákiminiń atynan qatysýshylardy quttyqtap, otandyq kınematografııany nasıhattaý jónindegi jumystyń mańyzyn atap ótti.
«Bul óskeleń urpaqty tárbıeleý, qoǵamdyq sanany qalyptastyrý úshin zor mańyzǵa ıe. Óńirlerde memleket esebinen túsirilgen fılmderdi kórsetý ıdeıasyn oń baǵalaımyz. Bizdiń kınokompanııalar sapaly kartınalar shyǵara otyryp, álemdik kıno prokatta da óz ornyn qalyptastyrýda.
Qazaqstanda qazir kıno ındýstrııany damytý úshin barlyq jaǵdaı jasalǵan, bizdiń jańa shyǵarmashylyq ortalyǵymyz da osy maqsattarǵa jaýap beredi. Bizde úlken josparlar, tamasha ıdeıalar men kásibı akterler bar», – dedi ol.
Kıno kúnderi aıasynda ártúrli janrdaǵy fılmder usynylmaq. Jekeleı jiktesek, «Jambyl. Jańa dáýir», «Dos-Muqasan» arqyly tulǵalarymyzdyń júrip ótken jolyna qanyǵýǵa bolady. Al «Baýyryna salý» dep atalatyn kınoda dástúrimiz dáriptelip, ultqa degen súıispenshilik sezimi eselenbek. Kishkentaı kórermenderge «Taıqazan» dep atalatyn anımaııalyq týyndy kórsetiledi.
Aıta keteıik, buǵan deıin Kıno ortalyǵynyń qoldaýymen 117 kartınanyń óndirisi aıaqtaldy. Onyń 72-si – kórkem, 37-si – derekti, 8-i – anımaııalyq fılmder.
