Aqmola oblysynyŋ 21 sportşysy Japoniiada ötetın XX jazǧy Aziia oiyndarynda Qazaqstan namysyn qorǧaidy. Olar boks, triatlon, basketbol, voleibol jäne sadaq atu syndy sporttyŋ toǧyz türınen baq synaidy. Būl turaly öŋırlık kommunikasiialar qyzmetınde ötken brifingte oblystyq dene şynyqtyru jäne sport basqarmasynyŋ basşysy Ardaq Tölendin mälımdedı.
Basqarma basşysynyŋ mälımetınşe, oiyndar 19 qyrküiek pen 4 qazan aralyǧynda Nagoia qalasy men Aiti prefekturasynda ötedı. Aqmola oblysynyŋ qūramynda bokstan Aziia chempiony Orazbek Asylqūlov pen Aziia oiyndarynyŋ ekı dürkın jüldegerı Aian Beisenbaev bar. Sondai-aq oblystyŋ taǧy segız sportşysy Qazaqstannyŋ basketboldan äielder qūramasyna endı.
«Aziia oiyndaryna qatysu - sportşylar men jattyqtyruşylardyŋ ülken eŋbegınıŋ nätijesı. Qazır basty mındet - jinaǧan sporttyq babymyzdy saqtap, komandanyŋ jarysqa laiyqty qatysuyna barlyq jaǧdaidy jasau», - dedı Ardaq Tölendin.
2023 jyly Hanchjouda ötken aldyŋǧy Aziia oiyndarynda Aqmola oblysynyŋ atynan 15 sportşy öner körsettı. Sol kezde öŋır qorjynyna ekı medal tüstı: Karina İbragimova bokstan kümıs, al Aian Beisenbaev triatlonnan qola jülde ielendı. Biyl oblys qūramyndaǧy sportşylar sany 21-ge jettı.
«Sportşylarymyzdyŋ oiyndarda respublikalyq jäne halyqaralyq jarystarda körsetken daiyndyq deŋgeiın körsete alǧany bız üşın maŋyzdy. Barlyq komandaǧa laiyqty öner körsetudı tıleimız», - dedı Ardaq Tölendin.
