QR Premer-Mınıstri Álıhan Smaıylov pen túriktiń «Gap Inshaat» kompanııasy bas dırektorynyń mindetin atqarýshy Chengel Azız Qazaqstanda jańa ınvestıııalyq jobalardy iske qosý perspektıvalaryn talqylady. Bul týraly Úkimettiń baspasóz qyzmeti aıtty, dep habarlaıdy «Adyrna» tilshisi.
Kezdesý barysynda Chengel Azız kompanııa respýblıkadaǵy ınvestıııalaryn keńeıtýge múddeli ekenin jetkizdi. Onyń aıtýynsha, Kókshetaý qalasynda jylý elektr ortalyǵyn (JEO) salý jobasynyń bolashaǵy zor.
Premer-Mınıstr Túrkııa Respýblıkasy Qazaqstan úshin mańyzdy strategııalyq seriktes ekenin, sondyqtan Úkimet ózara tıimdi jańa jobalardy iske asyrýdy qoldaıtynyn atap ótti.
Bul rette Álıhan Smaıylov QR Energetıka mınıstrligi Kókshetaýda JEO salý jobasy boıynsha ashyqtyq pen básekelestik qaǵıdattarymen ashyq tender ótkizetinin, oǵan barlyq áleýetti ınvestorlar qatysa alatynyn aıtty.
Óz kezeginde Chengel Azız tenderge qatysýǵa daıyn ekenin málimdedi.
Ázirlengen tehnıkalyq-ekonomıkalyq negizdemege sáıkes, Kókshetaýdaǵy jańa JEO-nyń elektr qýaty 240 MVt, jylý qýaty – 520 Gkal/saǵ.
Jobany qarjylandyrý tenderde jeńip shyqqan ınvestordyń qarajaty esebinen júzege asyrylady.
