QR Premer-Ministrı Älihan Smaiylov pen türıktıŋ «Gap İnşaat» kompaniiasy bas direktorynyŋ mındetın atqaruşy Chengel Aziz Qazaqstanda jaŋa investisiialyq jobalardy ıske qosu perspektivalaryn talqylady. Būl turaly Ükımettıŋ baspasöz qyzmetı aitty, dep habarlaidy «Adyrna» tılşısı.
Kezdesu barysynda Chengel Aziz kompaniia respublikadaǧy investisiialaryn keŋeituge müddelı ekenın jetkızdı. Onyŋ aituynşa, Kökşetau qalasynda jylu elektr ortalyǧyn (JEO) salu jobasynyŋ bolaşaǧy zor.
Premer-Ministr Türkiia Respublikasy Qazaqstan üşın maŋyzdy strategiialyq serıktes ekenın, sondyqtan Ükımet özara tiımdı jaŋa jobalardy ıske asyrudy qoldaitynyn atap öttı.Būl rette Älihan Smaiylov QR Energetika ministrlıgı Kökşetauda JEO salu jobasy boiynşa aşyqtyq pen bäsekelestık qaǧidattarymen aşyq tender ötkızetının, oǧan barlyq äleuettı investorlar qatysa alatynyn aitty. Öz kezegınde Chengel Aziz tenderge qatysuǧa daiyn ekenın mälımdedı. Äzırlengen tehnikalyq-ekonomikalyq negızdemege säikes, Kökşetaudaǧy jaŋa JEO-nyŋ elektr quaty 240 MVt, jylu quaty – 520 Gkal/saǧ. Jobany qarjylandyru tenderde jeŋıp şyqqan investordyŋ qarajaty esebınen jüzege asyrylady.
Ūqsas jaŋalyqtar
