Aqmola oblysy polisiia departamentınıŋ kinology Ruslan Baisalbaev Qazaqstan Prezidentı Qasym-Jomart Toqaevqa videoündeu joldady. Būl turaly ol özınıŋ TikTok jelısınde jariialady, dep habarlaidy “Adyrna” ūlttyq portaly.
«28 jeltoqsanda Aqmola oblysy polisiia departamentınde keŋes öttı. Onda polisiia basşysynyŋ orynbasary Baqytjan Eralin menıŋ jelıdegı pıkırlerım boiynşa tekseru jürgızudı tapsyrdy. Işkı ıster organdarynyŋ ardagerlerın saltanatty türde qabyldau räsımı bolǧan, men "köşe boiynda qaza tapqan, ömırın qauıpke tıgetın qyzmetkerlerdı marapattasa eken" dep jazdym. Ardagerler ūiymdaryna jyl saiyn bır kündık jalaqy ūstalady, al qyzmetkerlerdıŋ jalaqysy mardymsyz», - dep mälımdedı videoündeude kışı inspektor, kinolog Ruslan Baisalbaev.
Onyŋ aituynşa, ol jūmyssyz qaludan qorqyp, sondyqtan memleket basşysynan kömek sūrap, ony basqa öŋırlık bölımşege auystyrudy ötınıp jatyr.
«Bızde älı künge deiın jazalau jüiesı bar, al qyzmet körsetu modelıne köşuımız kerek. Qazır Ūiymdasqan qylmysqa qarsy küres basqarmasy menıŋ üstımnen qylmystyq nemese äkımşılık ıs qozǧai ma, dep alaŋdap otyrmyn», - dedı kinolog.
