Almaty qalasynyń Tótenshe jaǵdaılar departamenti aımaqta qatty jer silkinisi bolady degen aqparatty joqqa shyǵardy.
⠀
Tótenshe jaǵdaılardyń barlyq kúshteri men quraldary shtattyq rejımde jumysyn atqarýda, dep habarlady vedomstvoda.
⠀
«Seısmologııa ınstıtýtynyń 2020 jylǵy 23-29 qańtar aralyǵyndaǵy aptalyq boljamdy komıssııasynyń otyrysy negizinde Almaty oblysynda jeti jáne odan joǵary balldyq kúshti silkinister kútilmeıdi. Tynyshtyq saqtańyzdar», - delingen mınıstrliktiń habarlamasynda.
⠀
Kesheden beri WhatsApp messendjerinde qýatty jer asty dúmpýleri týraly aýdıo jazba taraǵan bolatyn.
2 balldyq jer silkinisin almatylyqtar 17 qańtarda saǵat 22: 05-te sezdi. Ekinshi ret 3-4 ball bolatyn jer silkinisi 19 qańtarda boldy. Osyndaı dúmpýler seısmıkalyq stanııalardyń jelisimen 20 qańtarda saǵat 11.31-de Tekeli qalasy men Rýdnıchnyı kenti arasynda tirkeldi. Seısmologtar keıinirek olardy qalypty dep atady. Jyl saıyn aımaqta 12 myńǵa deıin jer silkinisi bolady eken.
"Adyrna" ulttyq portaly
